عادات وتقاليد

الــبــنـــت فى بلادنا يا ويلها من يوم ما تتوجد فى الدنيا طبيعى يقابلوها بتكشيره وجمله سخيفه لامها بكره تخاويها بالولد او اجدعنى وهاتلها اخ بقى .... وتبدأ الرحله فى المدرسه اوعى تقفى ولا تكلمى زمايلك الولاد بره المدرسه .. يعنى اعمل ماعرفهمش اول ما اخرج من باب المدرسه ؟؟؟!!! ماشى بلاش ولا مسموح واحد فيهم يتصل بيكى على تليفون البيت علشان عيب ... ماشى بلاش ... كبرت وادورت وجسمها اتلف يادى المصيبه عريضه وسلسله طويله من التوصيات بقى خدى فى وشك يا بنتى اياكى حد يلمسك .. خلاص ما فيش لبس حمالات ولا بلوزه كط ولا كلام من ده خلاص انتى كبرتى ... بلاش نزول الشارع لوحدك تشترى حاجه ابقى ابعتى اخوكى ولا قوليلى انا .... وكأن المفروض انها تتعاقب علشاب كبرت الممنوعات بتزيد مع عمرها وتكبر اكتر وتدخل الجامعه ونفس التوصيات تسمعها كل يوم وكل سنه بتعدى من عمرها ... وتستنى فارس الاحلام اللى هينقذها من البيت المقفل ده اللى كله ممنوع فيه ... وتحاول تهرب من السجن تلاقى نفسها فى زنزانه وعليها عقوبه اشغال شاقه يا نهار اسود انا كنت فى نعيم ومش عارفه ؟؟؟ ده انا المفروض اطبخ واغسل وانضف واجيب اطفال وارعاهم واكبرهم واعلمهم وبعدين امتى هحس انى حره دى قيود اقوى من اللى قبلها ونهارها اسود وسنتها طين لو طلع فارس احلامها مش فارس اصلا ويطلب منها تشتغل وتساعد فى مصروف البيت .... وتيجى المصيبه الاكبر لما تقرر تهرب للمره التانيه من الزنزانه اللى بيسموها عش الزوجيه وتفتح بقها وتقول يا طلاق .. يا نهار اسود تقوم القيامه خلاص .. انتى اتجننتى هتخربى بيتك بايدك ؟؟ هتشردى ولادك وتحرميهم من ابوهم ؟؟ هتعيشى ازاى ولا منين ؟ وكان الباشا مكفيهم قال يعنى كانت عايشه بيه ... ولو حصل ونفذت اللى فى دماغها الكل يعاديها ويشوفها سافره لانها مطلقه ... وتبدأ مرحله جديده الاهل عايزين الهانم تتجوز وتتلم تحت جناح راجل اى راجل مش مهم مين ... ولا صاحبتها اللى خافت فجأه على جوزها لا يتلطش بغض النظر انه نيله وما يتبصلوش اصلا بس الاحتياط واجب ..و كل ده تحت اسم واحد عادات وتقاليد طول عمرى اسمع الجمله دى (عادات وتقاليد ما ينفعش نتجاوزها ) بس مش عارفه ليه ما ينفعش هو كتاب سماؤى لا يجوز مخالفه تعاليمه والله حرام دى حتى الكتب السماؤيه البشر بيخالفوا تعليماتها عادى والله ويستغفروا لو جالهم احساس بالذنب ... بالذمه مش البنات دول غلابه فى المجتمع القذر بتاع العادات والتقاليد ده ؟؟؟ امتى الناس دول مخهم هينضف ؟؟؟

دعوه للحياه

تمضى الايام ويمر معها العمر دون ان نتعلم .. دون ان نفهم !!! دون ان نشعر اننا نعيش فى غابه كبيره لم يعد يعيش بها سوى السباع والوحوش........ تغتال فيها البراءه...... الغدر سيد اخلاقها ..... الخداع اهم سماتها .....الغش احد صفاتها الحسنه...... الكذب احلى متع تلك الغابه..... لم يعد فيها مكان لمن يحمل جينات الانسانيه لن يستطيع ان يعيش بها من لازال يملك قلب ينبض ........ اذا فلابد لمن يرغب الاستمرار فى الحياه ان يعلن حالا عـن وفـاه قـلـبـه

ابوح بحبى و اعلن لك عشقى

اقر انى لم اعد ملك لنفسى

اعترف انى لم اذق حلاوه الدنيا الا معك

نعم اعترف انك اخذت بيدى لجنه لم اتخيلها يوما

وجدت فيك اكثر مما كنت احلم به

اعترف ان قلبك الان هو كل ما اصبو اليه

نحن نولد لكى نموت. ونتقابل حتى نفترق. ونحب ونعشق كى نعذب الى ان نفترق ايضا .

نفترق ونترك خلفنا مجموعه من الذكريات نحـيـا بها داخل صدورنا

نسترجعها لنسعد بها ثم نجدها لا تسعدنا بل تذكرنا بجروحنا والامنا وفراقنا ..

لماذا لم يعد شئ يسعد قلبى ؟ لماذا كل ما حولى حزين؟

لماذا تاخذ منى الدنيا كل مايسعدنى

وكل من يؤنس وحدتى ويعيننى على احتمالها

اصبحت ارى الحياه كلها فراق وعذاب ودموع .... اصبحت لا ارغبها لا احبها

لا احيــــــاهـــــــــا!!!!!!!

ليس كل الاموات يدفنون تحت التراب

و لا فى المـــقــــــابـــــر

اعمل ايه

بختى قليل واعمل ايه
مش لاقيه حد اتسند عليه
لو كانوا بيبعوه كنت اشتريه
وادفـع فيه مايهمـنيــش
بس المهم اعرف اعيش
حــد يقولى اجيبه منين
حــد يقولى اعمـل ايه

اريد قلبى .....اريد قلبى ...كما كان لا تنتقص منه شيئا ...اريده قلب قاسى لا يعرف الحنان

.اريده كى اعلمه النسيان كى لا يسمح لغيرك باقتحامه كى لا يقبل الهوان ..اريده حتى امزقه واغلق عليه الابواب . اريده كى اذكره بماضينا وراحه البال

حوار داخلى

حوار داخلى يدور داخل كل النساء .......وفيه ستات تخرجه من قلبها على لسانها وستات تانيه تفضل كتماه فى قلبها لحد ما تطق وتموت بحسرتها كل ست نفسها تبقى بطله لفيلم رومانسى جميل لكن للاسف البطل دايما مش موجود وهى جواها كتير وشايله كتير ونفسها توقفه قدامها كده وتقوله .......اسمع بقى

ايه اللى ممكن اكون محتاجاه منك عمرك سالت نفسك السؤال ده ؟؟؟ انا محتاجه تكون معايا محتاجه لحبك محتاحه لقربك منى عايزه احس بلمسه حنانك عايزه اسمع منك كلمه حلوه من كلام زمان عايزه وقت من وقتك عايزه نخرج سوا عايزه ورده تهديهالى عايزه هديه مش مهم هى ايه ولا قيمتها ايه بس حلاوتها انها من غير مناسبه عايزه رساله حب حلوه تبعتهالى وانت فى شغلك عايزه ابتسامه من شفايفك ونظره اعجاب من عيونك لما تشوفنى وكانى الست الوحيده اللى عيونك بتشوفها عايزه لما تخدنى فى حضنك انسى الدنيا وهمومها ..وده كان بيحصل قبل كده من غير ماطلبه ايه اللى جرى علشان مايحصلش دلوقتى ؟؟ والاكيد طبعا انها مش هتلاقى اجابه للسوال ولا اجابه لمطالبها مع ان الاجابه واضحه قدام عنيها وهى ان ده احساس هو مش حاسه تجاهها علشان يقدر يعبر عنه بالافعال دى بس ياترى هى هتفضل عامله نفسها مش واخده بالها لحد امتى ؟؟ ومش عايزه تصدق ان مشاعره اتغيرت لحد امتى؟؟ اكيــــــد مش كتيـــر

مجرد احساس

عمرك حسيت انك وحيد والدنيا فاضيه من حواليك ومافيش حد تتكلم معاه ولا يفهمك ولا يحس بيك
عندك شعور بالوحده والغربه وكأنك عايش فى العالم ده لوحدك ومافيش بشر عايشين معاك
ماحدش قادر يفهمك ولا حد قادر يحس بيك زى ما تكون سافرت بلد غير بلدك اهلها بيتكلموا
لغه غريبه عمرك ماسمعتها صعب التعامل معاهم حتى ولو بالاشاره وتبقى نفسك تصرخ
وانت برضه عارف انهم مش هيفهموا . ولو انت عايش مع ناس بيتكلموا نفس اللغه ومعاصرين حياتك ومشاكلك وهمومك كلها وعارفين انك اتظلمت فى حياتك كتير والدنيا اخدت منك اكتر من اللى اخدته منها بمراحل ومع ذلك بيقولولك قضى الباقى من حياتك وخلاص . اكيد احساس الوحده والغربه فى الحاله التانيه ابشع بكـتــيــر

مبروك يا دوللى

العروسه الحلوه دى تبقى المدونه الجميله دوللى وفى نفس الوقت تبقى بنت اختى الكبيره قوى (مش عايزه حد يفهم غلط انا الصغيره قوى قوى) وعايزه اقولها الف الف مبروك يا قمر على الخطوبه وعقد القران ولو انك هتكبرينى بس هعمل ايه بقى وارجعى للتدوين وكفايه على ( باســـم )كده وحشتنى كتاباتك واكيد ناس كتير كانت عايزه تعرف سر اختفائك واكيد دلوقتى عرفوا

مبــــــــــــــــــــــــــــروك

يا رجلا

متى ستعرف كم اهواك....يا رجلا

ابيع من اجله الدنيا وما فيها

لوتطلب البحر....فى عينيك اسكبه

اوتطلب الشمس....فى كفيك ارميها

انا احبك
فوق الــــغيــــــــــــم اكـتبـها

وللعصافير، و الاشجار ..احـكـيها

انا احبك

فـوق المــاء انـقـشـهـا
انا احبك

يا سـيـف أسـال دمــى

يا قصه لست ادرى ما اسـميها

انا احبك

حـــــــــــــــاول ان تساعدنى

فان من بدأ المأساه.. ينـهيـهـا

وان من فتح الابواب .. يـغـلقـهـا

وان من اشـعـل النار يـطفـيهـا

ارجع كما انت..صحو ام مطر

فما حياتى .. انا ان لم تكن فيها

نزار قبانى

صيــــــــــــــــاد

من منا لم يكن يوما صيادا؟
ومن منا لم يكن فريسه لصياد؟
فالبشر اما صيادون .. و اما فرائس
من منا لم يكن طائرا يحلق فى السماء
يتنقل دون قيود
يرفرف سعيدا مبتهجا بحريته
وانظار الصيادون تتوجه نحوه
وتترقبه لللإيقاع به؟
ومن منا لم يسقط جريحا غارقا فى دمائه
يحتضر وعيناه تنظر الى صائده نظره يأس واستنكار وعتاب
ماذا فعلت بك كى تفعل بى هذا؟
لماذا لم تتركنى كما كنت؟
لماذا؟

ولا يرى فى عين الصياد الا زهوه الانتصار

سانتظر حتى تاتى الى
سانتظر لقائك فاتحا ذراعيك
لارتمى فى احضانك
سانتظر واعلم انك عائد الى
اعلم انك لن تجد هوى كهواى
لن تجد شوقا كشوقى
لن تجد امرأه تحتويك مثلى
اذهب كما يحلو اليك
فانا اعلم انك
عــائداااااااا الـــــــــــــــــى

الوساده الخاليه

روايه لكاتب كبير تحولت لفيلم سينمائى شهير تطرح فكره الايمان بالحب الاول وهل هو حقيقه ام انه مجرد وهــــــــــم ؟ ويريد الكاتب من خلالها ان يوكد ان الحب الاول كذبه كبيره نعيشها .....الكلام ده معناه ان فى اكثر من حب ممكن يقابل الانسان بما ان فى حب اول يبقى اكيد فيه تانى ...ممكن المشاعر تتغير وتلاقى نفسك بتفكر ان اختيارك كان غلط وتقابل شخص تانى يملك قلبك من جديد وتشعر انه الحب الحقيقى الناضج الذى تحلم به

ولا ممكن تعيش عمرك كله تتنقل من حب الى اخر دون ان تجد الذى تبحث عنه ويرضيك

ولا الحب ده كلمه اخترعها البشر ليبرروا بها بعض افعالهم وتصرفاتهم

لمسه يديك

اعشق نظره عينيــــــــــــك

اذوب بلمسه من بين يديــــــــــــــــــك

احيا ايام وايام

على كلمــــــــــــــــــــات

خرجت من بين

شفتيــــــــــــــك

تغرد الطيــــــــــــــــور

ترقص الاشجــــــــــــار

تمتلئ الدنيـــــــــا

بالزهور

عند قدومــــــــــــك

الــــــــــــــــــــــىّ

اختيار

ممكن تختار بين الجنه والنار ممكن تختار بين الحياه والموت اختيارات صعبه جداااا...ولوكان لازم تختار ولو كانت الجنه والحياه بالنسبه ليك هما النار والموت بالنسبه لغيرك ازاى ممكن تختار بينهم !!!!!!! مستحيل لازم تموت انت لازم تعيش فى النار طول عمرك لازم تكسر قلبك وتنسى نفسك

ذاكره المرأه

قد تنسى المرأه الرجل الذى تركته

ولكنها لا تنسى الرجل الذى تركها

وقد تنسى له قله الحياء



ولكنها لا تنسى له قله الوفاء
وقد تنسى القبله التى سرقها منها
ولكنها لا تنسى القبله التى حرمها منها



تلك هى ذاكره المرأه حين تقع فى حب الرجل يحتل قلبها ويشغل عقلها

ويصبح كل حياتها وذكرياتها

هل هو الحب؟

حلقت كالفراشة

ترشف رحيق الزهور

تطير فى خفة ونشاط

تنعكس ألوان الطيف على أجنحتها الملونة

عندما تلقى الشمس باشعتها على جناحين ظنت أنهما قد فقدا القدرة على الطيران منذ زمن بعيد

رأيتها .. ونظرت اليها متعجبة

لمحت لمعان عينيها

بريق غريب لم ألحظه من قبل

اصطبغت وجنتيها بلون الزهور الوردية

فتساءلت؟؟؟ ماذا حدث ؟؟؟

وجاءت منها الإجابة

بنظرة من عينيها وابتسامة من شفتيها

انه الحــــــــــــــــــــــــــــــــــــــــــــــــــــــــــــــب

احباب ياسمين

اعذرونى انا زعلانه ومتضايقه اوى احلى واعز واخلص صديقه فى عمرى كله بتمر بازمه وانا زعلانه اوى لانى مش عارفه اخرجها من الحاله النفسيه السيئه دى وشاعره بتقصير مع انى والله حاولت اكون جنبها واساعدها لكن هى رافضه كل المحاولات وعلشان انا عارفه انى مش لوحدى بحبها وان هى حبايبها كتير قولت اقول لكم ياسميــــن فى ازمه ومحتاجه نقف كلنا معاها ونقول لها بنحبك يا ياسميــــن بنحبك بجد
عايزه تعتزلى الحياه وتقفلى البلوج والناس اللى هتشوفى حبهم دول تنسيهم ياسميــــن اللى انا اعرفها اقوى من اى ازمه وتقدر تقوم وتقف تانى وترجع احسن من الاول دى ياسميــــن اللى انا عرفاها مش قادره اكتب اكتر من كده لانى بجد مش شايفه من الدموع حرام عليكى بقى اللى يحبك تزعليه كده

بحبك ومتاكده انى مش لوحدى

لقاء ممتع

اول لقاء شهرى احضرفيه كان الامس
مع ان اللقاء الشهرى للمدونين كان فكره
الصديقه الغاليه ياسمين واعترف انى ندمت
لعدم حضورى اللقاءات السابقه واهدار الفرصه للتعرف على تلك المجموعه الرائعه من الشباب

انا فعلا سعيده لمعرفتى بهم واتمنى ان تدوم تلك اللقاءات وان تكون جمعيه للمدونين كما اقترحت ياسمين

تحيه الى ياسمين صاحبه القرارات والاقتراحات الصائبه دائما
وتحيه لكل من حضر اللقاء واهتم وخاصه الشباب الذين لا يعيشون داخل القاهره وحضروا من محافظات اخرى ......

وتحيه اخيره للشباب المثقف الذى يريد ان يكون له صوت موثر فى المجتمع والحياه هذا ما نأمله فى شباب مصر

عالم الرجال

تلك احدى قصائد نزار قبانى التى اعشقها كم تعبر عن المرأه فى مجتمعنا وعن القهر الذى تعيشه رغم الكلام الكثير عن حريتها وعن حقوقها ومساوتها بالرجل حقا انها خرافه

رساله الى رجل ما..........
يا سيدى العزيز..
هذا خطاب امرأه حمقاء..
هل كتبت اليك قبلى امرأه حمقاء؟
اسمى انا؟
دعنا من الاسماء
رانيه ؛ ام زينب ؛ ام هند ؛ ام هيفاء
اسخف ما نحمله ؛ يا سيدى ؛الاسماء...
يا سيدى!
اخاف ان اقول ما لدى من اشياء
اخاف - لو فعلت - ان تحترق السماء
فشرقكم يا سيدى العزيز
يصادر الرسائل الزرقاء
يصادر الاحلام من خزائن النساء
يمارس الحجر على عواطف النساء
يستعمل السكين .. والساطور..
كى يخاطب النساء...
ويذبح الربيع؛ والاشواق ؛ والضفائر السوداء
وشرقكم يا سيدى العزيز
يصنع تاج الشرف ..الرفيع..من جماجم النساء..
لا تنتقدنى سيدى..
ان كان خطى سيئا..
فانى اكتب .. والسياف خلف بابى
وخارج الحجره صوت الريح و الكلاب
يا سيدى!
عنتره العبسى خلف بابى
يذبحنى ..اذا راى خطابى
يقطع راسى..
لو رأى الشفاف من ثيابى..
يقطع راسى ..لو انا
عبرت عن عذابى
فشرقكم يا سيدى العزيز
يحاصر المرأه بالحراب..
وشرقكم يا سيدى العزيز
يبايع الرجال انبياء
ويطمر النساء فى التراب..
لا تنزعج!
يا سيدى العزيز..من سطورى
لا تنزعج!
اذا كسرت القمقم المسدود من عصور
اذا نزعت خاتم الرصاص عن ضميرى
اذا انا هربت من أقبيه الحريم فى القصور
اذا تمردت على موتى .على قبرى.على جذورى والمسلخ الكبير..
لا تنزعج يا سيدى
اذا انا كشفت عن شعورى
فالرجل الشرقى.. لا يهتم بالشعر ولا الشعور
الرجل الشرقى - واغفر جرأتى
لا يفهم المرأه الا داخل السرير..
معذره يا سيدى
اذا تطاولت على مملكه الرجال
فالأدب الكبير- طبعا - ادب الرجال..
و الحب كان دائما..من حصه الرجال
والجنس كان دائما
مخدرا يباع للرجال
خرافه حريه النساء فى بلادنا
فليس من حريه اخرى سوى حريه الرجال
يا سيدى!
قل كل ما تريده عنى..فلن ابالى
سطحيه .. غبيه .. مجنونه ..بلهاء
فلم اعد ابالى
لان من تكتب عن همومها
فى منطق الرجال ؛ تدعى امرأه حمقاء
الم أقل فى اول الخطاب...
انى امرأه حمقاء....
تمت
من منكم ايها الرجال يعترف بذلك
ومن منكم فى جرأه نزار قبانى