سانتظر حتى تاتى الى
سانتظر لقائك فاتحا ذراعيك
لارتمى فى احضانك
سانتظر واعلم انك عائد الى
اعلم انك لن تجد هوى كهواى
لن تجد شوقا كشوقى
لن تجد امرأه تحتويك مثلى
اذهب كما يحلو اليك
فانا اعلم انك
عــائداااااااا الـــــــــــــــــى
سانتظر لقائك فاتحا ذراعيك
لارتمى فى احضانك
سانتظر واعلم انك عائد الى
اعلم انك لن تجد هوى كهواى
لن تجد شوقا كشوقى
لن تجد امرأه تحتويك مثلى
اذهب كما يحلو اليك
فانا اعلم انك
عــائداااااااا الـــــــــــــــــى
56 comments:
ما دمتي بذلك الامل
فسوف يعود
حلوة نبرة الامل دي
وثقة بالنفس اعجبتني جدا
ما أحلي الثقه في الحب
تحياتي
طالما هناك امل
اذا كل شي ممكن
الثقة بالنفس شئ جميل
من يسمع هذه الكلمات من زوجته او حبيبته هيرجع ولو كان في الصين,تحياتي ليكي
بوست في نبره امل و ثقه بالنفس
بس
الي يمشي ننساه
:)
تحياتي
محمد مفيد
يارب يسمع منك يارب
:))
تحياتى
Amr Ahmed
لازم الامل طبعا والثقه فى الحب كمان مع الثقه فى النفس
تحياتى
micheal
فعلا الثقه فى الحب حلوه والاحلى الثقه فى الحبيب
:))
تحياتى
ابراهيم عز الدين
اكيد لا ياس مع الحياه ..ابدا مش هسيبه هيروح منى فين
:))تحياتى
wahed
وهو لو سابنى و راح الصين برضه انا هسيبه!!!!دى لو راح المريخ ياباشا
:)))تحياتى
عبدالله
لكن فيه اشخاص واشياء تستحق ان تتمسك بيها وما تنسحبس من المعركه بالسهوله دى لانها غاليه وتستحق ان تحاول اعادتها وتثابر من اجلها حتى تفقد الامل فى رجوعها وساعتها لازم تنساها
:) تحياتى
اولا انا مكنتش بجامل فعلا مدونتك من المدونات القليلة قوي اللي تلاقي كلماتها قليلة بس معبرة وبجد ياسهر انا مش بجامل انا ده احساسي ناحية كلماتك بشكل خاص
وثانيا قريب قوي هيخرج الجزء التاني للنور واسمع تعليقك مكتمل على البوست كله
حلو اما الواحدة تحب بجد وتبقى واثقة ان حبيبها حيرجع لها بس ياترى حتغفر له ؟ لازم تكون واثقة انه هو كمان بيحبها .. ؟؟
طبعا تعليقي على كلماتك في البوست الجديد
ياترى لو هو شاف الكلام ده وحس بيه ورجع بس كان ليكي فيه شريكة
ملحوظة:التعليق من وحي كلماتك ولايمط للواقع بصلة:))))
لا
لن اعود
لو كنت شعرت بهواكى ما كنت رحلت
ولو كنت رأيت منك شوقا ما هجرت
ولو كنت لاقيت منك احتواءا ما فررت
هل تظنين ذهابى جهلا وسوء فهم؟
هل تتخيلين فرارى لهوا وعدم تقدير؟
لا يا حبيبتى
لن اعود
فمن ذهب لا يعود
الجزء الثاني من عفوا حبيبي متقدرش ومتعرفش
http://sfahmy78.blogspot.com/2007/06/blog-post_19.html
منتظر تعليقك
اي مشاعر صادقة لو لقيت مشاعر صادقة بتبادلها نفس الاحساس لا يمكن تبعد من الاساس
اي انسان هايلاقي الحب ده مش هايبعد الا اذا كان مش بيحب او مش عايز يحب
حلوة قوي ثقتك في نفسك دي واللي بتعكس صدق في المشاعر واحسايس مرهفة تحياتي لشعورك الرقيق
تجد شوقا كشوقى
لن تجد امرأه تحتويك مثلى
اذهب كما يحلو اليك
فانا اعلم انك
-------------------------
هممممممممممممممممم
يعود او ميعودش اعتقد هوا الخسران...
المهم انك واثقة فى حبك ودة كفاية...
تحياتى اليكى...
Shreif fahmy
ميرسى ياشريف ..واسفه على التاخير هدخل اقرأ الجزء التانى حالا
تحياتى
bocycat
طبعا حلو قوى ولوهى مش واثقه من حبه ماكنتش تستنى رجوعه ولو بتحبه لازم حبها هيغفر ويسامح
:)تحياتى
شريف فهمى
يرجع ومعاه شريكه لالالالا فهمتنى غلط مش ممكن ابدا لو ده حصل يبقى مارجعش من اساسه
:)))تحياتى
سندباد
لا على فكره ممكن قوى يكون بيحب ويبعد برضه لكن صدق المشاعر والاحاسيس هما اللى هيرجعوه
:))تحياتى
قلوب حائره
الثقه هنا اكتر فى الحب من النفس وبجد الثقه فى حبك بتقوى المشاعر اكتر
:)تحياتى
harmless
تفتكر ده ممكن يكون رد من واحد حب ولو لايام قليله !!!!!ولوكان لم يشعر بكل ذلك العشق ولم يلمسه فهولا يستحقه.عمومافى كتيرمن البشرلاترى ولاتشعر بقيمه ما تملكه الا بعد فقده الى الابد .....قله نظر بقى قله مفهموميه مش عارفه بالظبط :))))
تحياتى
الغزالى
خسران قوى قوى حد يلاقى حد يحبه كده ويسيبه ؟؟ ناس ماعندهاش نظر ولا ايه؟
:))تحياتى
منتظر لسه تعليقك على الجزء الثاني نزل خلاص
http://sfahmy78.blogspot.com/2007/06/blog-post_19.html
اجل ستعود
وستجثو علي قدميك وتقدم الورود
وستطلب العفو تحقيق الوعود
وعود بالحب انقض عهدها
فهل ياتري عندما تعود انت
هل اقبل انا انا اعود
ازيك يا اماني
بيني وبينك لو رجع
انا الي مش هرضي عشان كرامتي هتكونن نقحت عليا بقي
يعني ممكن اعذبه شويه
واهده شويتين تلاته
وفي االخر افكر ازا كنت بعد ما يرجعلي هقبل عودته ولا لا؟
مفتريه مش كدا
ههههههههههه
بص يا اماني خمسه جد بقي
لو بجد كان الحب موجود
وكانت المشاعر صادقه
يبقي اكيد مهما طال الوقت واذادت المسافات لنا عوده اكيد
كتير ممنا مش بعرف قيمه الشي غير لما بيفقده
ساعتها بيندم علي احلي فرصه كانت بين ايديه وضيعها
واخده بالك يا قمر
تحياتي يا اماني
ما احلاه الحب
ما اجمله التمسك بالحب
والحبيب
صديقتى
ما اجملك
واجمل حبك
ادعو الله ان يديمه عليكِ
تحياتى يالجميله
اجمل حاجه الثقه في كونك الوحيده التي تستطيع الأحتواء
تحياتي
حلوة كلماتك قوى
والأجمل الثقة فى النفس لأنها أهم حاجة
تحياتى
جميل انك اديتيله حرية الذهاب مع يقينك التام بعودته وده معاه انك عارفة مكانتك عنده حتى لو هو مش واخد باله
في مقولة بتقول:
اذا اردت شيئا بشدة فاطلق له العنان فان عاد اليك فهو ملك لك للابد وان لم يعد فهو لم يكن لك من البداية
صحيح مش عارفة مين صاحبها بس بتعجبني وبطبقها في اوقات كتير
تحياتي واتمنى تزوريني قريبا
كلمات رقيقة اوى واسلوب جميل
واحساس صادق بجد
وطالم قلبك قالك انه هيعود يبقى راجع
دى اول مرور ليا على مدونتك عجبتنى اوى واتمنى اكون صديقة وتيجى تزورينى :$
تحياااااتى
ياتري أنتي فين ياجهاد
بطمن على المدونة من غيرك
منتظر تعقيبك على الجزء الثالث والأخير من عفوا حبيبي متقدرش ومتعرفش
http://sfahmy78.blogspot.com/2007/06/blog-post_27.html
هيرجع تانى ....
ايه الثقه دى ...
اماني انتي فين؟
غايبه ليه كدا؟
طمنيني
تحياتي
سهر الليالى
بوست حلو اوى بس انا عايز اسال
ليه دايما بتقولوا لو سابنى انا عارفة انك هترجعلى
ليه تليه يسيبك اصلا
بصى انا راجل ويمكن افهم الرجالة شوية الراجل لو فضلت مراته واخداه فى حضنها عمره ما هيفكر يسيبها مهما حصل
فبلاش المخاطرة انك تسيبيه يروح لواحدة تانية محدش عارف ممكن يكون الحضن التانى احسن
خليكى دايما ضامة الراجل لحضنك وواثقة فى نفسك انك افضل واحدة فى الدنيا
وربنا يكرمك ان شاء الله وتفضلى عايشة فى سعادة على طول
حلو التفاؤل
وبعدين في كل ملرة لازم جملة تشدني
والمرة دي
لن تجد أمراءة تحتويك مثلي
يااااااه
معناها حلو اوي
الاحتواء لا يقل اهمية عن الحب
تحياتي لصدق مشاعرك
تفتكري اللي بيضيع بيرجع
حتى ولو عارف ان السعاده معاكى انتى
مكنش حد تعب في الحب
ايه اللى مخليكى واثقه اوى كده
الثقه فى الحب دى
اخر حاجه ممكن يفكر فيها البنى آدم
جهينة
كالعادة تعليق رائع من انسانة رائعة
وكلامك زى كلام الفلاسفة
فيلسوفة فى الحب انتى يا جهينة
تحياتى
شيماء الجيزى
الحب صحيح جميل لكن ألمه كبير
نورتينى يا سكر
•«ρяoιd»•™
أجمل تعليق بجد
بوس بوس
الثقة فى النفس قيمة كبيرة تضيف لحياتنا بعد جميل
تحياتى
ميمى
اجمل حكمة سمعتها
واكثر حكمة محتاجة انى اسمعها ما قلتيه انت فى تعليقك
ذا اردت شيئا بشدة فاطلق له العنان فان عاد اليك فهو ملك لك للابد وان لم يعد فهو لم يكن لك من البداية
هأحطها حلقة فى ودنى
حدوتة
أهلا بيكى فى اول زيارة لمدونتى ويا رب ما تكونش الأخيرة
معلش انى قريت التعليق متأخر
مشاغل والله
نورتينى
شريف فهمى
انا قريت الجزء الأخير
قريت القصة كلها
ولا الحواديت
بس انا مش بصدق الحاجات دى
للأسف
سفاح كرموز
شفت بقى
جهينة حبيبتى
انتى جميلة قوى وبتسألى علية
ربنا يخليكى لية يا قمر
والله ما فى حد فى رقتك واحساسك
تحياتى
مصر هى امى
طيب يمكن انت تكون كدة لكن روح اسأل ياسمين وهى تحكيلك عن الست اللى بتاخد جوزها فى حضنها وفى الآخر برضه يزهق ويروح يدور عن حضن تانى تات ورابع
فى حاجة كمان
است برضه عايزة راجل ياخدها فى حضنه
ولا ايه؟
تحياتى
نورهان مفيد
فعلا يا عزيزتى الإحتواء لا يقل اهمية عن الحب
اعجبنى تعليقك
تحياتى
أنوس
آه والله ماحدش كان تعب
احنا بس اللى تاعبين نفسنا وبنحلم
تحياتى
اسلام يوسف
الثقة دى مجرد حلم .. رغبة .. خيال .. أمنية
.. أمل
لكن واقع؟؟ اشك؟؟
تحياتى
احساس جميل
ahmEd_H
احساس جميل لكن مرير وصعب اوى يا احمد على اللى تعيشه :)
تحياتى
Post a Comment