08 August 2007

مجرد احساس


عمرك حسيت انك وحيد والدنيا فاضيه من حواليك ومافيش حد تتكلم معاه ولا يفهمك ولا يحس بيك
عندك شعور بالوحده والغربه وكأنك عايش فى العالم ده لوحدك ومافيش بشر عايشين معاك
ماحدش قادر يفهمك ولا حد قادر يحس بيك زى ما تكون سافرت بلد غير بلدك اهلها بيتكلموا
لغه غريبه عمرك ماسمعتها صعب التعامل معاهم حتى ولو بالاشاره وتبقى نفسك تصرخ
وانت برضه عارف انهم مش هيفهموا . ولو انت عايش مع ناس بيتكلموا نفس اللغه ومعاصرين حياتك ومشاكلك وهمومك كلها وعارفين انك اتظلمت فى حياتك كتير والدنيا اخدت منك اكتر من اللى اخدته منها بمراحل ومع ذلك بيقولولك قضى الباقى من حياتك وخلاص . اكيد احساس الوحده والغربه فى الحاله التانيه ابشع بكـتــيــر

69 comments:

مـحـمـد مـفـيـد said...

الغربه والوحده
من اقسي المشاعر التي تمر بالانسان ولكن لابد من عدم الانسياق خلفها والتخلص منها

محمود علي said...


شعور مؤلم جدا
فكرتيني بكلمه كنت قريتها لانيس منصور
الفقر في الوطن غربه
والغنئ في الغربه وطن

سهر الليالى said...

نعم هما من اقسى واسوا المشاعر الانسانيه ولكن احيانا يصعب التخلص منهم
تحياتى

سهر الليالى said...

محمود على
الغربه او الوحده داخل البيت وداخل الوطن واحد ولو مع نفسك برضه كله فقر وغم وهم
:)تحياتى

The Alien said...

إنتي جيتي ع الجرح
أنا دايما حاسس إني غريب
حاسس إني موجود ف مكان وزمان غلط

معاكي إن الإحساس ف الحالة التانية أبشع بكتير
عشان كدا الواحد بيفضل يدور طول عمره علي اللي يفهمه
بس الكارثة بتيجي لما نلاقيهم وبعدين يضيعوا مننا

تحياتي

أبو ضحى said...

جملة قضى الباقى من عمرك و خلاص "دى جملة مستفزة اوى

يعنى ايه قضى اللى باقى من عمرك و خلاص، هو وقت اضافى فى مطش كورة كسبانة
فيه

-----

احساسك بعدم قدرة الاخرين على فهمك بيحصل لينا كلنا ساعات

هقولك حاجة يمكن تشوفيها قاسية شوية بس هقولها و خلاص و انتى حرة . بس يا ريت تفكرى فيها

لو كان اللى حواليكى مش قادرين يفهموكى فدى مسئوليتك..لازم تحاولى تخليهم يفهمو و لو مش عاوزين يفهمو دورى على اللى ممكن يفهم

لو انا فى بلد غريب و معرفش لغة اهلها و عاوز اتواصل معاهم، لازم اتعلم لغتهم و اتقنها كمان عشان اقدر افهمهم افكارى و احاسيسى و افهمهم كمان

انت المسئولة

تحياتى

moro said...

علي فكرة الكلام دة صح وفي ناس كتير جدا بتشعر بية وساعتها بيبقي الانسان في حالة غربة زاتية وعزلة اجتماعية ومش بيكون متقبل نفسة بس الانسان لو عندة ارادة ممكن يتخلص من كل دة ويحارب نفسة علشان ميضعش ويقدر يوصل

سهر الليالى said...

The Alien
انا معاك تماما لكن المشكله مش انهم يضيعوا لا فى كارثه اكبر انك تدور على اللى يفهمك ولما تقول انك لقيته يطلع برضه مش فاهمك ولا حاسك علشان كده يضيع او الاصح تضيع انت منه
:)فزوره كبيره تحياتى

سهر الليالى said...

ابو ضحى
عارف ماينفعش ادور على اللى يفهم لانى محتاجه القربين منى واللى حواليه هما اللى يفهموا مش اى حد تانى واكيد انى بحاول افهمهم بكل طريقه فمش ممكن تكون مسئوليتى انهم مش قادرين يفهموا وبعدين احساس الناس بيك وبمشاعرك حاجه مش محتاجه فهم اصلا :))تحياتى

سهر الليالى said...

moro
انت قلت الصح وجودالاراده وساعتها اللى يفهم يفهم واللى مس حاسس مش مهم المهم ارادتك انت ايه وايه اللى يريحك وده طبعا يبقى من منطلق الانانيه اللى تقريبا بقت هى الحل فى امور كتير بما ان ما فيش حد دارى باللى حواليه ولا اقرب الناس ليه
:) تحياتى

القلم السكندري said...

حين تختلف القيم.. وتختفي المبادئ

وحين تمزق أوصال الانسانية

وحين وحين...

يجد الانسان نفسه غريبا ولو في داره

شعور يراوده عن عزلته

وحقا .. كم هو مؤلم

بوست رائع سهر الليالي

لك موفور التحية

أبو ضحى said...

صدقينى ساعات بنبقى حاسين ان لازم الناس القريبة منمنا دول يبقوا فاهمينا حتى من عيونا و من غير ما نحاول نتكلم معاهم

ساعات ظروف الحياة و انشغالنا فى العمل بيعمل ضباب على عيوننا و منبقاش شايفين الناس القريبين منا و احساسنا بيهم بيضعف

حاولى تكلم معاهم و تعبرى عن مشاعرك و الحاجات اللى بتضايقك و اللى بتسعدك..حتى و ان كانوا عارفينها حاولى تفكريهم

رجعنا بردو لنفس النقطة..ان كل ده مسئوليتك!0

سهر الليالى said...

القلم السكندرى
ميرسى على الكومنت وشرفت المدونه
:) تحياتى

سهر الليالى said...

ابو ضحى
ظروف الحياه لا يمكن تشغلك عن حد بتحبه وقريب منك ولو وافقتك مش المشكله انك تتكلم وتفكر الناس بيك المشكله انهم يقدروا يحسوا بيك وبوحدتك وسطهم والمشكله الاكبر انك تكون زهقت من الكلام ومحاولات اقناعهم فتقرر تسكت وتعزل نفسك بارادتك انت وبس .موضوع كبير كبير يعنى مش اى كلام :)تحياتى

smraa alnil said...

كنت هكتب نفس البوست دة بالظبط
:)))

وجعتيني

أبو ضحى said...

ربنا معاكى

hosnysoliman said...

الاناهى السبب نعيش زمن الانا..وكل مايحيط بنا يدفعنا الى الانا..الشغل الحياة اليومية التلفزيون تلك الاداة الرهيبة التى اصلت الانا فينا رغم التصاقنا ببعضنا البعض الزوج وزوجتة جالسان امام التليفزيون كل فى عالمه رغم ان الكنبه التى يجلسان عليها واحدةوسرعة ايقاع الحياة امات المشاعر والاحاسيس حتى كلمة صباح الخير او مساء الخير كثيرا ما تضيع فى وسط زحام الحياة كل مشغول بمستقبل ايامه يملؤه الرعب والخوف من غده..لا وقت لالتقاط الانفاس "تراهم جميعا وقلوبهم شتى"

سهر الليالى said...

سمراء النيل
انا وانتى واحد يا سكر معلش سبقتك بقى
ومعلش كمان مره علشان وجعتك
:))تحياتى

سهر الليالى said...

ابو ضحى
ربنا معايا ومعاك معلش بقى زهقتك من الحوار ده انا عارفه
:))تحياتى

سهر الليالى said...

حسنى سليمان
حمدلله على السلامه وحشتنى والله بجد
عندك حق طبعا فى كل كلمه وانا موافقاك طبعا بلا جدال
:)تحياتى

Shreif fahmy said...

كلامك ده فكرني باغنية كنت في وقت معين من حياتي لما بسمعها بتوجع قوي

يا غربة رسينا
طال الطرق بينا
دى السكة نساية
تاية ف خطاوينا

مال الطريق ماله
جّرحنا مواله
ولا سبنا يوم نغزل
سكة ف أمانينا

شجر الغنا طارح
أحزان ومين سارح
على بكرة وإمبارح
طب فين مودينا

لو بكرة فات وعده
جاى ف الطريق بعده
بكرة اللى بنواعده
هياخدنا للمينا

يا غربة رسينا
طال الطريق بينا
دى السكة نساية
تايه ف خطاوي

micheal said...

الفربه و الوحده في نمنتهي الصعوبه بس في بعض الاحيان لابد من التعامل مع الامر الواقع بشجاعه و حكمه
تحياتي و مبروووووووووك لدوللي

gohayna said...

مش جايز هو الي ماخدش وسيله مناسبه عشان يفهم الي حوليهم ويخليهم يدركوا وجوده

او جايز لغه العصر هيا الي خلقت جدران من الاسمنت دفنت تحتها كلمات المشاعر واحاسيس القرب بين الناس

عارفه كمان لما تلاق نفسك زي ما وصفتي كدا وتفضلي برضه تحبيهم رغم اختلافهم
واختلافك


رغم عدم فهمكو لبعض

عرفه قدد ايه الشعور بيكون قاسي ومؤلم

طمنيني عليكي يا اماني

يارب تكوني بالفف خير

harmless said...

عندى احساس ان شعور الوحده بيزيد وبينتشر وبيكسب زباين جديده كل يوم

حتى لو فيه ناس
شعور الوحده شعور داخلى بييجى ولو الانسان وسط الف شخص

دايما لما كان يجيلى الشعور ده اسال نفسى
يا ترى هى الناس زهدت فيا ولا انا اللى زهدت فى الناس؟

يا ترى الناس مش فاهمانى ولا انا اللى مش فاهم الناس؟

هل هى رتابة الحياة وتكرار مشاهدها وثبات الوجوه اللى فى حياة اى شخص بنفس اراءهم ونفس اداءهم ونفس مشاعرهم؟

هل هو تمرد على الاقدار وعلى النصيب فى الحياة اللى بتدى ناس بقوانين مش مفهومه وبتحرم ناس لاسباب غير معلومه؟

بس
دايما كان عندى حل سحرى للوحده
والحل هو ممارسة الوحده
السفر وحيدا وقطع الاتصالات مع المعارف ومع العادات ومع الروتين

وكل مره الحل بينجح
اصل الوحده لها وجه اخر جميل

وفى كل مره اسال نفسى
اشد سطر على اللى فات وما ارجعش؟

لكن كلها يومين تلاته وبارجع

Shreif fahmy said...

منتظرين تعقيبك على يوميات محتار في السنترال
http://sfahmy78.blogspot.com/2007/08/blog-post.html

شمعة أمـــــل said...

الغربة والوحدة شئ صعب واذا كان احساسك بالغربه والوحده وانت وسط اهلك بيبقى احساس اصعب
تحياتى على البوست الجميل ده

voice of love said...

لأ مش معقول
ده انتى بتتكلمى عنى بقى
ولو باين انك بتتكلمى على ناس كتير
تحياتى لك ولكلماتك المعبرة

beroo said...

والله انا فعلا حسيت بالاحساس ده كتير وانا سعيده بزيارتي لمدونتك بس ياخساره جيت متاخر ياريت تشرفيني بزيارتك

ياسمين said...

والله يا امانى كلنا فاهمينك
انا فاهماكى قوى وحاساكى قوى وعارفة كل شعور وكل احساس بيعذبك

بس الدنيا علمتنى ان كله محصل بعضه

احنا اتعذبنا خلاص وعانينا خلاص
والحظ النحس خلاص هيفضل ملازمنا
هتهربى منه فين؟

أنا بحاول انقذ الحاجات الحلوة اللى ظهرت فجأة فى حياتنا

بحاول انهم يعيشوا حياة احسن مننا

بحاول اقولك انهم حتة مننا وسعادتهم و وشوشهم اللى بتضحك يمكن ترسم بسمة على وشوشنا اتحرمنا منها طول عمرنا

هو دة اللى انا قصدته

اوعى تفكرى ان الدنيا هتضحك
لأ ..احنا نصيبنا من الدنيا دمعة وألم ولحظة ندم

خلتينى اعيط يا شيخة
سلام

إبراهيم محسن said...

سيدتي
الأشد قسوة
هي أننا حتى لا نفهم أنفسنا
كم من المواقف التي اندهشت فيها من نفسك
كم من المرات التي تتعجبين فيها من ردود أفعالك ؟ او تفكرين في أشياء لم تتخيلي نفسك يوماً تفكرين فيها؟

كيف نريد من الآخرين أن يفهموننا
اذا كنا لا نفهم حتى أنفسنا

سهر الليالى said...

Shreif fahmy
ايه الاغنيه الحلوه دى بس يا باشا
:) ازيك وايه اخبار القصص الجامده

سهر الليالى said...

micheal
ازيك يا جميل كنت مختفى ليه؟
فى الواقع ساعات بيبقى الخوف اقوى بكتير مننا والقهر بقى ماقولكش عليه شجاعه ايه بس مانت عارف اللى فيها خرافه حريه النساء فى بلادنا وعلى فكره القهر والتخويف مش لازم يبقى بالساطور ولا الكرباج الكلام ممكن كمان يبقى قهر
تحياتى

سهر الليالى said...

gohayna
انا كويسه يا سكر اطمنى خالص خالص عادى القرف العادى اللى بقى جزء من الحياه.بس عايزه اقولك ان مافيش سبب يخلينا ننسى اننا بنى ادمين ولا عذر يخلينا ندفن مشاعرنا واحساسنا فى التراب وعلى فكره اللى هتوصلى معاهم للدرجه الوحده والغربه لا يمكن هتفضلى تحبيهم ابدااااااااا
تحياتى

سهر الليالى said...

harmless
هحاول اجرب حلك السحرى ده ولو انى شاعره قد ايه هو صعب قوى انا ماقدرش اعيش من غير الناس اللى بحبهم ولو حتى يوم واحد هو جايبنى ورا غير كده :))
تحياتى

سهر الليالى said...

Shreif fahmy
حاضر يا شريف باشا عنيه الاتنين
تحياتى

سهر الليالى said...

شمعة أمـــــل
شوفتى بقى قوليلهم قد ايه انا مستحمله :))تحياتى ليكى ونورتى المدونه

سهر الليالى said...

voice of love
ازيك يا قمر انا بكلم عنى وعنك وعن كل البشر اللى لسه عندهم مشاعر الانسانيه اللى قربت تنقرض تقريبا :))))تحياتى

سهر الليالى said...

beroo
ولا متاخر ولا حاجه المهم حمدلله على السلامه واكيد هزورك طبعا ده شئ يسعدنى
تحياتى

سهر الليالى said...

ياسمين
بصى ياياسمين نصيبى وانا عارفاه كويس وحظى كمان لا الدنيا هتغيره ولا انا كمان بس ابسط حقوقى انى لما اقول اه الناس تحسها وتطبطب عليا انا عارفه قصدك كويس. بس كان نفشى زى ماشفتوا الحته الصغيره منى وفكرتوا فيها تشوفونى انا كمان وتحسوا بجد بيه
انا مش زعلانه بس اللى بقوله ده وجعنى قوى بجد وعموما خلاص مافيش فايده من الكلام ده خلاص واختلاف الرأى لا يفسد للود قضيه يا جميل انا بحبك قوى
وعارفه ان ده شعورك انتى كمان انا كمان عيطت عاجبك كده النكد بيحن مافيش فايده:))

سهر الليالى said...

إبراهيم محسن
انك ماتفهمش نفسك ده شعور غريب ممكن تبقى مش عارف تاخد قرار او مش عارف ايه اللى يبسطك ويسعدك .لما نوصل للدرجه دى اكيد فيه حاجه كبيره غلط :))تحياتى

احساس لسه حى said...

عزيزتى
كلنا حسينه مرات كتير اننا وحدين ومفيش قلب جنبنا
حسين بغربه مش لازم فى سفر الغربه وسط اهلك وجعها اكبر
محدش قادر يفهمك ده بقه اللى بيخنق انك تقصد شئ وغيرك يفهم شئ تانى
وتفهمه ميفهمش
هو الاحساس بيكون وجعه حسب اللى حاسس بيه فى ناس احساسها بسيط ورقيق وناس بجد معندهومش احساس
اوبلاش احساسهم جامد وبارد
ربنا يريح قلبك ويهدى تفسك ويكتر رحتك
دعوى اهيه
تحياتى
سلام

سهر الليالى said...

احساس لسه حى
صدقتى والله فى كل كلمه دى الحقيقه المره فعلا وميرسى على الدعوه ويارب تستجاب منك يا رب
:)تحياتى

Shreif fahmy said...

هل لي ياسيدتي الحق في أني أرفع لافتات الأعتصام والأحتجاج وربما يصل الأمر لإستخدام سلاح المقاطعة
على عدم مجئيك الكريم إلى مدونتا الكريمة لترك تعليقك الكريم
بالحق
رمضان كريم

عبدالله said...

وليه تفكريني بس بالاحساس ده
وخصوصا بقي لما يتجمع عليك احساس الغربه و الوحده بتبقي فعلا صعبه وان كان دايما اصعب منها الغربه الداخليه
ربنا يعينا كلنا علي الاحاسيس دي

Anonymous said...

E7na fola w en2asamet nosen, ana nos w enty nos :).

mizo_bizo@hotmail.com

جـيـداء said...

طووووووول عمرى حاسة الاحساس ده
بجد احساس مؤلم و بشع جداااا
بتمنى ربنا يخلصنى منه بس للاسف مفيش حد حواليا خالص :(

bos bos said...

هو فعلا شعور مؤلم جدا ومش لازم نستسلم له
وحاولى تطلعى منه وعيشى حياتك أنتى
تحياتى لكى

harmless said...

يعنى يا أمانى فات شهر دلوقتى وانتى ماكتبتيش حاجه جديده
وغالبا مش حتى حتقرى التعليق ده كمان
بس برضو عايز اسالك
ينفع كده؟
آخرتها حنلاقيكى كاتبه عشره اتناشر بوست فى السنه كلها؟

مـحـمـد مـفـيـد said...

السلام عليكم
كل عام وانت بخير
بمناسبه رمضان واللهم أجعلك من عتقاء هذا الشهر وان يتقبلك الله بقبول حسن
والاسره الكريمه بكل خير وصحه وسعاده
وان يجعل هذا الشهر شاهد لنا لا علينا

Shreif fahmy said...

كل سنة وانتي طيبة بألف خير وسعادة ورمضان كريم

micheal said...

انتي فين؟
رمضان كريم
تحياتي

.:.-=- ELGaZaLy-=-.:. said...

عارفة يا امانى من اقسى المشاعر الى واجهتها فى حياتى

الغربة نوبالذات النوع الثانى

بس صدقينى فتحى عيونك كويس هتلاقى ناس كتير يقدرو يفهموكى فقط لو اردات ذالك

صحيح كل سنة وانتى طيبة

رمضان كريم

سهر الليالى said...

Shreif fahmy
العزيز شريف اعترف بانى مقصره جدا ولا داعى للوم فانا فعلا مشغوله جدا وغصب عنى والله اطلب السماح واوعدك انى سازورك قريبا
تحياتى

سهر الليالى said...

عبدالله
اعتذر مرتين مره على تاخير الرد عليك ومره اخرى على انى قد ذكرتك بتلك الاحاسيس المولمهولو انى ارى انها لا تنسى اصلا ولكننا نتنساها:) رمضان كريم وكل سنه وانت طيب
تحياتى

سهر الليالى said...

Anonymous
فوله وانقسمت نصين ليه ده احساس بيزورنا جميعا مش انا ولا انت بس :) تحياتى

سهر الليالى said...

جـيـداء
احساس صعب قوى وخصوصا لما يكون مستمر ربنا يعينك ويخلصك منه يا جميل وانا كمان ماحنا فى الهواء سواااااااا
:) تحياتى

سهر الليالى said...

bos bos
اهلا بيكى يا سكر وبحاول اعمل بالنصيحه ادعيلى اقدر على فعلها :)تحياتى

سهر الليالى said...

bos bos
اهلا بيكى يا سكر وبحاول اعمل بالنصيحه ادعيلى اقدر على فعلها :)تحياتى

سهر الليالى said...

هارملس
ليه بس التشائم ده انت فاقد فيه الامل قوى كده معلش استحملنى شويه مافيهاش حاجه مشغوله شويتين كده بتحصل يعنى عادى .كل سنه وانت طيب ورمضان كريم

سهر الليالى said...

محمد مفيد
كل سنه وانت طيب واسرتك الكريمه بخير يارب وشكرا على التهنئه ودايما سباق بالخير
تحياتى

سهر الليالى said...

Shreif fahmy
وانت طيب ياشريف ورمضان كريم ربنا يخليك يا باشا
:)تحياتى

سهر الليالى said...

micheal
انا فى الدنيا الزحمه موجوده:))
رمضان كريم يا مايكل
تحياتى

سهر الليالى said...

الغزالى
مفتحه والله واكيد هشوفهم ماتقلقش لحظات ياس وعدت او الواحد هيعتبرها عدت بلاش كدب احنا فى رمضان كل سنه وانت طيب ياجميل :))تحياتى

Radwa said...

اصعب احساس انك تشعرى انك وحيدة بالرغم من وجود اقرب الناس اليكى حولك
تحياتى

سهر الليالى said...

Radwa
من اصعب ما يكون والله بس هنعمل ايه بقى نصيب وقدر:)تحياتى

Lion king™ said...

انت كتبتي حاجة شبة الي كتبتها بالظبط
:(
www.zizome1.blogspot.com

Lion king™ said...

دعاء اذا دعوتة تمضي سنه ولا تستطيع الملائكة الانتهاء من كتابة حسناتك

قال الرجل من السلف : لا اله الا الله عدد ما كان وعدد ما يكون وعدد الحركات والسكون

وبعد مرور سنة كاملة قالها مرة اخرى فقالت الملائكة: اننا لم ننتهي من كتابة حسنات السنة الماضية
تخيل لو قلتها ورددها العشرات من الناس بسببك

seeef said...

ياااااااااااااااااااه
انا دايما حاسس بكده

kiki said...

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室