عمرك حسيت انك وحيد والدنيا فاضيه من حواليك ومافيش حد تتكلم معاه ولا يفهمك ولا يحس بيك
عندك شعور بالوحده والغربه وكأنك عايش فى العالم ده لوحدك ومافيش بشر عايشين معاك
ماحدش قادر يفهمك ولا حد قادر يحس بيك زى ما تكون سافرت بلد غير بلدك اهلها بيتكلموا
لغه غريبه عمرك ماسمعتها صعب التعامل معاهم حتى ولو بالاشاره وتبقى نفسك تصرخ
وانت برضه عارف انهم مش هيفهموا . ولو انت عايش مع ناس بيتكلموا نفس اللغه ومعاصرين حياتك ومشاكلك وهمومك كلها وعارفين انك اتظلمت فى حياتك كتير والدنيا اخدت منك اكتر من اللى اخدته منها بمراحل ومع ذلك بيقولولك قضى الباقى من حياتك وخلاص . اكيد احساس الوحده والغربه فى الحاله التانيه ابشع بكـتــيــر
عندك شعور بالوحده والغربه وكأنك عايش فى العالم ده لوحدك ومافيش بشر عايشين معاك
ماحدش قادر يفهمك ولا حد قادر يحس بيك زى ما تكون سافرت بلد غير بلدك اهلها بيتكلموا
لغه غريبه عمرك ماسمعتها صعب التعامل معاهم حتى ولو بالاشاره وتبقى نفسك تصرخ
وانت برضه عارف انهم مش هيفهموا . ولو انت عايش مع ناس بيتكلموا نفس اللغه ومعاصرين حياتك ومشاكلك وهمومك كلها وعارفين انك اتظلمت فى حياتك كتير والدنيا اخدت منك اكتر من اللى اخدته منها بمراحل ومع ذلك بيقولولك قضى الباقى من حياتك وخلاص . اكيد احساس الوحده والغربه فى الحاله التانيه ابشع بكـتــيــر
69 comments:
الغربه والوحده
من اقسي المشاعر التي تمر بالانسان ولكن لابد من عدم الانسياق خلفها والتخلص منها
شعور مؤلم جدا
فكرتيني بكلمه كنت قريتها لانيس منصور
الفقر في الوطن غربه
والغنئ في الغربه وطن
نعم هما من اقسى واسوا المشاعر الانسانيه ولكن احيانا يصعب التخلص منهم
تحياتى
محمود على
الغربه او الوحده داخل البيت وداخل الوطن واحد ولو مع نفسك برضه كله فقر وغم وهم
:)تحياتى
إنتي جيتي ع الجرح
أنا دايما حاسس إني غريب
حاسس إني موجود ف مكان وزمان غلط
معاكي إن الإحساس ف الحالة التانية أبشع بكتير
عشان كدا الواحد بيفضل يدور طول عمره علي اللي يفهمه
بس الكارثة بتيجي لما نلاقيهم وبعدين يضيعوا مننا
تحياتي
جملة قضى الباقى من عمرك و خلاص "دى جملة مستفزة اوى
يعنى ايه قضى اللى باقى من عمرك و خلاص، هو وقت اضافى فى مطش كورة كسبانة
فيه
-----
احساسك بعدم قدرة الاخرين على فهمك بيحصل لينا كلنا ساعات
هقولك حاجة يمكن تشوفيها قاسية شوية بس هقولها و خلاص و انتى حرة . بس يا ريت تفكرى فيها
لو كان اللى حواليكى مش قادرين يفهموكى فدى مسئوليتك..لازم تحاولى تخليهم يفهمو و لو مش عاوزين يفهمو دورى على اللى ممكن يفهم
لو انا فى بلد غريب و معرفش لغة اهلها و عاوز اتواصل معاهم، لازم اتعلم لغتهم و اتقنها كمان عشان اقدر افهمهم افكارى و احاسيسى و افهمهم كمان
انت المسئولة
تحياتى
علي فكرة الكلام دة صح وفي ناس كتير جدا بتشعر بية وساعتها بيبقي الانسان في حالة غربة زاتية وعزلة اجتماعية ومش بيكون متقبل نفسة بس الانسان لو عندة ارادة ممكن يتخلص من كل دة ويحارب نفسة علشان ميضعش ويقدر يوصل
The Alien
انا معاك تماما لكن المشكله مش انهم يضيعوا لا فى كارثه اكبر انك تدور على اللى يفهمك ولما تقول انك لقيته يطلع برضه مش فاهمك ولا حاسك علشان كده يضيع او الاصح تضيع انت منه
:)فزوره كبيره تحياتى
ابو ضحى
عارف ماينفعش ادور على اللى يفهم لانى محتاجه القربين منى واللى حواليه هما اللى يفهموا مش اى حد تانى واكيد انى بحاول افهمهم بكل طريقه فمش ممكن تكون مسئوليتى انهم مش قادرين يفهموا وبعدين احساس الناس بيك وبمشاعرك حاجه مش محتاجه فهم اصلا :))تحياتى
moro
انت قلت الصح وجودالاراده وساعتها اللى يفهم يفهم واللى مس حاسس مش مهم المهم ارادتك انت ايه وايه اللى يريحك وده طبعا يبقى من منطلق الانانيه اللى تقريبا بقت هى الحل فى امور كتير بما ان ما فيش حد دارى باللى حواليه ولا اقرب الناس ليه
:) تحياتى
حين تختلف القيم.. وتختفي المبادئ
وحين تمزق أوصال الانسانية
وحين وحين...
يجد الانسان نفسه غريبا ولو في داره
شعور يراوده عن عزلته
وحقا .. كم هو مؤلم
بوست رائع سهر الليالي
لك موفور التحية
صدقينى ساعات بنبقى حاسين ان لازم الناس القريبة منمنا دول يبقوا فاهمينا حتى من عيونا و من غير ما نحاول نتكلم معاهم
ساعات ظروف الحياة و انشغالنا فى العمل بيعمل ضباب على عيوننا و منبقاش شايفين الناس القريبين منا و احساسنا بيهم بيضعف
حاولى تكلم معاهم و تعبرى عن مشاعرك و الحاجات اللى بتضايقك و اللى بتسعدك..حتى و ان كانوا عارفينها حاولى تفكريهم
رجعنا بردو لنفس النقطة..ان كل ده مسئوليتك!0
القلم السكندرى
ميرسى على الكومنت وشرفت المدونه
:) تحياتى
ابو ضحى
ظروف الحياه لا يمكن تشغلك عن حد بتحبه وقريب منك ولو وافقتك مش المشكله انك تتكلم وتفكر الناس بيك المشكله انهم يقدروا يحسوا بيك وبوحدتك وسطهم والمشكله الاكبر انك تكون زهقت من الكلام ومحاولات اقناعهم فتقرر تسكت وتعزل نفسك بارادتك انت وبس .موضوع كبير كبير يعنى مش اى كلام :)تحياتى
كنت هكتب نفس البوست دة بالظبط
:)))
وجعتيني
ربنا معاكى
الاناهى السبب نعيش زمن الانا..وكل مايحيط بنا يدفعنا الى الانا..الشغل الحياة اليومية التلفزيون تلك الاداة الرهيبة التى اصلت الانا فينا رغم التصاقنا ببعضنا البعض الزوج وزوجتة جالسان امام التليفزيون كل فى عالمه رغم ان الكنبه التى يجلسان عليها واحدةوسرعة ايقاع الحياة امات المشاعر والاحاسيس حتى كلمة صباح الخير او مساء الخير كثيرا ما تضيع فى وسط زحام الحياة كل مشغول بمستقبل ايامه يملؤه الرعب والخوف من غده..لا وقت لالتقاط الانفاس "تراهم جميعا وقلوبهم شتى"
سمراء النيل
انا وانتى واحد يا سكر معلش سبقتك بقى
ومعلش كمان مره علشان وجعتك
:))تحياتى
ابو ضحى
ربنا معايا ومعاك معلش بقى زهقتك من الحوار ده انا عارفه
:))تحياتى
حسنى سليمان
حمدلله على السلامه وحشتنى والله بجد
عندك حق طبعا فى كل كلمه وانا موافقاك طبعا بلا جدال
:)تحياتى
كلامك ده فكرني باغنية كنت في وقت معين من حياتي لما بسمعها بتوجع قوي
يا غربة رسينا
طال الطرق بينا
دى السكة نساية
تاية ف خطاوينا
مال الطريق ماله
جّرحنا مواله
ولا سبنا يوم نغزل
سكة ف أمانينا
شجر الغنا طارح
أحزان ومين سارح
على بكرة وإمبارح
طب فين مودينا
لو بكرة فات وعده
جاى ف الطريق بعده
بكرة اللى بنواعده
هياخدنا للمينا
يا غربة رسينا
طال الطريق بينا
دى السكة نساية
تايه ف خطاوي
الفربه و الوحده في نمنتهي الصعوبه بس في بعض الاحيان لابد من التعامل مع الامر الواقع بشجاعه و حكمه
تحياتي و مبروووووووووك لدوللي
مش جايز هو الي ماخدش وسيله مناسبه عشان يفهم الي حوليهم ويخليهم يدركوا وجوده
او جايز لغه العصر هيا الي خلقت جدران من الاسمنت دفنت تحتها كلمات المشاعر واحاسيس القرب بين الناس
عارفه كمان لما تلاق نفسك زي ما وصفتي كدا وتفضلي برضه تحبيهم رغم اختلافهم
واختلافك
رغم عدم فهمكو لبعض
عرفه قدد ايه الشعور بيكون قاسي ومؤلم
طمنيني عليكي يا اماني
يارب تكوني بالفف خير
عندى احساس ان شعور الوحده بيزيد وبينتشر وبيكسب زباين جديده كل يوم
حتى لو فيه ناس
شعور الوحده شعور داخلى بييجى ولو الانسان وسط الف شخص
دايما لما كان يجيلى الشعور ده اسال نفسى
يا ترى هى الناس زهدت فيا ولا انا اللى زهدت فى الناس؟
يا ترى الناس مش فاهمانى ولا انا اللى مش فاهم الناس؟
هل هى رتابة الحياة وتكرار مشاهدها وثبات الوجوه اللى فى حياة اى شخص بنفس اراءهم ونفس اداءهم ونفس مشاعرهم؟
هل هو تمرد على الاقدار وعلى النصيب فى الحياة اللى بتدى ناس بقوانين مش مفهومه وبتحرم ناس لاسباب غير معلومه؟
بس
دايما كان عندى حل سحرى للوحده
والحل هو ممارسة الوحده
السفر وحيدا وقطع الاتصالات مع المعارف ومع العادات ومع الروتين
وكل مره الحل بينجح
اصل الوحده لها وجه اخر جميل
وفى كل مره اسال نفسى
اشد سطر على اللى فات وما ارجعش؟
لكن كلها يومين تلاته وبارجع
منتظرين تعقيبك على يوميات محتار في السنترال
http://sfahmy78.blogspot.com/2007/08/blog-post.html
الغربة والوحدة شئ صعب واذا كان احساسك بالغربه والوحده وانت وسط اهلك بيبقى احساس اصعب
تحياتى على البوست الجميل ده
لأ مش معقول
ده انتى بتتكلمى عنى بقى
ولو باين انك بتتكلمى على ناس كتير
تحياتى لك ولكلماتك المعبرة
والله انا فعلا حسيت بالاحساس ده كتير وانا سعيده بزيارتي لمدونتك بس ياخساره جيت متاخر ياريت تشرفيني بزيارتك
والله يا امانى كلنا فاهمينك
انا فاهماكى قوى وحاساكى قوى وعارفة كل شعور وكل احساس بيعذبك
بس الدنيا علمتنى ان كله محصل بعضه
احنا اتعذبنا خلاص وعانينا خلاص
والحظ النحس خلاص هيفضل ملازمنا
هتهربى منه فين؟
أنا بحاول انقذ الحاجات الحلوة اللى ظهرت فجأة فى حياتنا
بحاول انهم يعيشوا حياة احسن مننا
بحاول اقولك انهم حتة مننا وسعادتهم و وشوشهم اللى بتضحك يمكن ترسم بسمة على وشوشنا اتحرمنا منها طول عمرنا
هو دة اللى انا قصدته
اوعى تفكرى ان الدنيا هتضحك
لأ ..احنا نصيبنا من الدنيا دمعة وألم ولحظة ندم
خلتينى اعيط يا شيخة
سلام
سيدتي
الأشد قسوة
هي أننا حتى لا نفهم أنفسنا
كم من المواقف التي اندهشت فيها من نفسك
كم من المرات التي تتعجبين فيها من ردود أفعالك ؟ او تفكرين في أشياء لم تتخيلي نفسك يوماً تفكرين فيها؟
كيف نريد من الآخرين أن يفهموننا
اذا كنا لا نفهم حتى أنفسنا
Shreif fahmy
ايه الاغنيه الحلوه دى بس يا باشا
:) ازيك وايه اخبار القصص الجامده
micheal
ازيك يا جميل كنت مختفى ليه؟
فى الواقع ساعات بيبقى الخوف اقوى بكتير مننا والقهر بقى ماقولكش عليه شجاعه ايه بس مانت عارف اللى فيها خرافه حريه النساء فى بلادنا وعلى فكره القهر والتخويف مش لازم يبقى بالساطور ولا الكرباج الكلام ممكن كمان يبقى قهر
تحياتى
gohayna
انا كويسه يا سكر اطمنى خالص خالص عادى القرف العادى اللى بقى جزء من الحياه.بس عايزه اقولك ان مافيش سبب يخلينا ننسى اننا بنى ادمين ولا عذر يخلينا ندفن مشاعرنا واحساسنا فى التراب وعلى فكره اللى هتوصلى معاهم للدرجه الوحده والغربه لا يمكن هتفضلى تحبيهم ابدااااااااا
تحياتى
harmless
هحاول اجرب حلك السحرى ده ولو انى شاعره قد ايه هو صعب قوى انا ماقدرش اعيش من غير الناس اللى بحبهم ولو حتى يوم واحد هو جايبنى ورا غير كده :))
تحياتى
Shreif fahmy
حاضر يا شريف باشا عنيه الاتنين
تحياتى
شمعة أمـــــل
شوفتى بقى قوليلهم قد ايه انا مستحمله :))تحياتى ليكى ونورتى المدونه
voice of love
ازيك يا قمر انا بكلم عنى وعنك وعن كل البشر اللى لسه عندهم مشاعر الانسانيه اللى قربت تنقرض تقريبا :))))تحياتى
beroo
ولا متاخر ولا حاجه المهم حمدلله على السلامه واكيد هزورك طبعا ده شئ يسعدنى
تحياتى
ياسمين
بصى ياياسمين نصيبى وانا عارفاه كويس وحظى كمان لا الدنيا هتغيره ولا انا كمان بس ابسط حقوقى انى لما اقول اه الناس تحسها وتطبطب عليا انا عارفه قصدك كويس. بس كان نفشى زى ماشفتوا الحته الصغيره منى وفكرتوا فيها تشوفونى انا كمان وتحسوا بجد بيه
انا مش زعلانه بس اللى بقوله ده وجعنى قوى بجد وعموما خلاص مافيش فايده من الكلام ده خلاص واختلاف الرأى لا يفسد للود قضيه يا جميل انا بحبك قوى
وعارفه ان ده شعورك انتى كمان انا كمان عيطت عاجبك كده النكد بيحن مافيش فايده:))
إبراهيم محسن
انك ماتفهمش نفسك ده شعور غريب ممكن تبقى مش عارف تاخد قرار او مش عارف ايه اللى يبسطك ويسعدك .لما نوصل للدرجه دى اكيد فيه حاجه كبيره غلط :))تحياتى
عزيزتى
كلنا حسينه مرات كتير اننا وحدين ومفيش قلب جنبنا
حسين بغربه مش لازم فى سفر الغربه وسط اهلك وجعها اكبر
محدش قادر يفهمك ده بقه اللى بيخنق انك تقصد شئ وغيرك يفهم شئ تانى
وتفهمه ميفهمش
هو الاحساس بيكون وجعه حسب اللى حاسس بيه فى ناس احساسها بسيط ورقيق وناس بجد معندهومش احساس
اوبلاش احساسهم جامد وبارد
ربنا يريح قلبك ويهدى تفسك ويكتر رحتك
دعوى اهيه
تحياتى
سلام
احساس لسه حى
صدقتى والله فى كل كلمه دى الحقيقه المره فعلا وميرسى على الدعوه ويارب تستجاب منك يا رب
:)تحياتى
هل لي ياسيدتي الحق في أني أرفع لافتات الأعتصام والأحتجاج وربما يصل الأمر لإستخدام سلاح المقاطعة
على عدم مجئيك الكريم إلى مدونتا الكريمة لترك تعليقك الكريم
بالحق
رمضان كريم
وليه تفكريني بس بالاحساس ده
وخصوصا بقي لما يتجمع عليك احساس الغربه و الوحده بتبقي فعلا صعبه وان كان دايما اصعب منها الغربه الداخليه
ربنا يعينا كلنا علي الاحاسيس دي
E7na fola w en2asamet nosen, ana nos w enty nos :).
mizo_bizo@hotmail.com
طووووووول عمرى حاسة الاحساس ده
بجد احساس مؤلم و بشع جداااا
بتمنى ربنا يخلصنى منه بس للاسف مفيش حد حواليا خالص :(
هو فعلا شعور مؤلم جدا ومش لازم نستسلم له
وحاولى تطلعى منه وعيشى حياتك أنتى
تحياتى لكى
يعنى يا أمانى فات شهر دلوقتى وانتى ماكتبتيش حاجه جديده
وغالبا مش حتى حتقرى التعليق ده كمان
بس برضو عايز اسالك
ينفع كده؟
آخرتها حنلاقيكى كاتبه عشره اتناشر بوست فى السنه كلها؟
السلام عليكم
كل عام وانت بخير
بمناسبه رمضان واللهم أجعلك من عتقاء هذا الشهر وان يتقبلك الله بقبول حسن
والاسره الكريمه بكل خير وصحه وسعاده
وان يجعل هذا الشهر شاهد لنا لا علينا
كل سنة وانتي طيبة بألف خير وسعادة ورمضان كريم
انتي فين؟
رمضان كريم
تحياتي
عارفة يا امانى من اقسى المشاعر الى واجهتها فى حياتى
الغربة نوبالذات النوع الثانى
بس صدقينى فتحى عيونك كويس هتلاقى ناس كتير يقدرو يفهموكى فقط لو اردات ذالك
صحيح كل سنة وانتى طيبة
رمضان كريم
Shreif fahmy
العزيز شريف اعترف بانى مقصره جدا ولا داعى للوم فانا فعلا مشغوله جدا وغصب عنى والله اطلب السماح واوعدك انى سازورك قريبا
تحياتى
عبدالله
اعتذر مرتين مره على تاخير الرد عليك ومره اخرى على انى قد ذكرتك بتلك الاحاسيس المولمهولو انى ارى انها لا تنسى اصلا ولكننا نتنساها:) رمضان كريم وكل سنه وانت طيب
تحياتى
Anonymous
فوله وانقسمت نصين ليه ده احساس بيزورنا جميعا مش انا ولا انت بس :) تحياتى
جـيـداء
احساس صعب قوى وخصوصا لما يكون مستمر ربنا يعينك ويخلصك منه يا جميل وانا كمان ماحنا فى الهواء سواااااااا
:) تحياتى
bos bos
اهلا بيكى يا سكر وبحاول اعمل بالنصيحه ادعيلى اقدر على فعلها :)تحياتى
bos bos
اهلا بيكى يا سكر وبحاول اعمل بالنصيحه ادعيلى اقدر على فعلها :)تحياتى
هارملس
ليه بس التشائم ده انت فاقد فيه الامل قوى كده معلش استحملنى شويه مافيهاش حاجه مشغوله شويتين كده بتحصل يعنى عادى .كل سنه وانت طيب ورمضان كريم
محمد مفيد
كل سنه وانت طيب واسرتك الكريمه بخير يارب وشكرا على التهنئه ودايما سباق بالخير
تحياتى
Shreif fahmy
وانت طيب ياشريف ورمضان كريم ربنا يخليك يا باشا
:)تحياتى
micheal
انا فى الدنيا الزحمه موجوده:))
رمضان كريم يا مايكل
تحياتى
الغزالى
مفتحه والله واكيد هشوفهم ماتقلقش لحظات ياس وعدت او الواحد هيعتبرها عدت بلاش كدب احنا فى رمضان كل سنه وانت طيب ياجميل :))تحياتى
اصعب احساس انك تشعرى انك وحيدة بالرغم من وجود اقرب الناس اليكى حولك
تحياتى
Radwa
من اصعب ما يكون والله بس هنعمل ايه بقى نصيب وقدر:)تحياتى
انت كتبتي حاجة شبة الي كتبتها بالظبط
:(
www.zizome1.blogspot.com
دعاء اذا دعوتة تمضي سنه ولا تستطيع الملائكة الانتهاء من كتابة حسناتك
قال الرجل من السلف : لا اله الا الله عدد ما كان وعدد ما يكون وعدد الحركات والسكون
وبعد مرور سنة كاملة قالها مرة اخرى فقالت الملائكة: اننا لم ننتهي من كتابة حسنات السنة الماضية
تخيل لو قلتها ورددها العشرات من الناس بسببك
ياااااااااااااااااااه
انا دايما حاسس بكده
شركة تنظيف منازل بالخبر
شركة تنظيف فلل بالخبر
Post a Comment