قد تنسى المرأه الرجل الذى تركته
ولكنها لا تنسى الرجل الذى تركها
وقد تنسى له قله الحياء
ولكنها لا تنسى له قله الوفاء
وقد تنسى القبله التى سرقها منها
ولكنها لا تنسى القبله التى حرمها منها
تلك هى ذاكره المرأه حين تقع فى حب الرجل يحتل قلبها ويشغل عقلها
ويصبح كل حياتها وذكرياتها
108 comments:
يادى المصيبه
الراجل بقى العكس تماماً ينسى كل ما ذكرتى انها تتذكره ويتذكر كل ما ذكرتى انها تنساه
المصيبة الأكبر ان محدش عاوز يفهم التانى بيصر على فكره فقط
دى مصيبه كبيره فعلا يا محمد كده يبقى عمرهم ما يتفاهموا ولا يتلاقوا فى نقطه
عموما احسن عشان الحياه يبقى ليها طعم!!!!!!!!
:)))
تحياتى
اعترف
اعترف انى لم اترك امرأه ابدا
كنت دائما المتروك
اعترف انى كنت احيانا مفتقرا للحياء
ولكنى ابدا لم اكن قليل الوفاء
اعترف انى اختلست القبلات كلما امكننى
ولكنى ابدا لم امنع قبلاتى عن احد
واعترف انى لم انسى احد
واعلم
ان لا احد يذكرنى
قلبتى المواجع
تنسى المرأه كل أساءات الرجل ألا .. البخل .. لو حرمها أو تركها أو ضن عليها بالولاء و الوفاء .. فهو بخيل
عموما .. النساء من الزهره و الرجال من المريخ
امانى للعلم هذا ينطبق على كل البشر نساؤه ورجاله ذلك ان الم الجفوة والجفاء لاينسىوخاصة عندما يكون هناك صادق للمشاعر واخر كذوب
الرجل يحب المرأة
والمرأة تحب الحب ذاته
أحد أقوالى المأثورة والتى شهرتنى فى المانيا وجه قبلى
حين ننسى
ننسى كل شيئ
كل شيئ
وحين نقرر ألاّ ننسى
تبقى كل التفاصيل
وكل القُبلات
وكل الثورات
محفورة .. على أبهى عروش الذاكرة
آه وحياة ربنا
تحياتي
كلامك مظبوط عزيزتى امانى
واحب اضيف
انا الحب واحد فى قلوب الجنسين لكن مع اختلاف طريقة التعبير والوصول الية
ومعنى الاحساس لكلا منهما
ليه بس كده زعلتنى والله
وحسستنى بالذنب بس اصبر
مسيرك تلاقى واحده تعوضك
:)
تحياتى
lastknight
البخيل بيبقى بخيل عموما فى كل حاجه فعلا حتى فى مشاعره والست لا ترضى ببخل المشاعر ابدا...........ابدا
تحياتى
hosnysoliman
اسوا مافى الحب وجود الطرف الكاذب
فى حين وجوده لا يسمى حب بل خدعه كبيره
تحياتى
maged stephen
اختلف مع مقولنك الشهيره واعتقد انه العكس تماما.. فالمراه حين تحب تحب الرجل اما الرجل يحب احساس الحب واحداثه فقط
تحياتى
اميره
افتكر صعب نقدر ننسى تماما جزء من حياتنا او فتره من الزمن عشناها بحلوها ومرها ونمحيها من الذاكره بالشكل ده
تحياتى
دى حكمة ولا سر من اسرار البنات
ولا عن تجربة
بس هيا وصلت عندى
تحياتى
انا رأي ان الرجل محتاج يعرف الست اكتر عشان يقدر يتعامل معاها احسن و يلاقوا نقطه الالتقاء
لاني افتكر ان في جهل عام بنفسيه المرأه و احتياجتها
و تحياتي علي السطور الجميله
ذاكرة المرأة ذاكره انفعالية
أو نقدر نقول أن ذاكره المرأة تكمن بداخل قلبها
دوللى
و الله كمان فى جهل بنفسية الرجل عند المرأة، الاتنين محتاجين يعرفوا عن بعض اكتر و يعرفوا إن الرجل من المريخ و المرأة من الزهرة
men are from mars and women are from vinus...
عاشقه الكاريكاتير
وانت كمان كلامك مظبوط يا قمر
الحب واحد فى الدنيا كلها وعند البشر كلهم بس مين يفهم ومين يقدر
:)
تحياتى
تامر نبيل
سر او حكمه او تجربه مش مهم
الاهم انها تكون فعلا وصلت
:)
تحياتى
دولى
لو الراجل فهم الست والست فهمته
تبقى القيامه قربت لان الحياه هتبقى بلا معنى ولا طعم
:))
تحياتى
ابو ضحى
يعنى ايه ذاكره انفعاليه وازاى تسكن داخل قلبها.. المرأه يسكن قلبها حب الرجل فقط...... صدقنى مايفضلش مكان
لاى شى تانى
:))) تحياتى
ابو ضحى
ده كلام تمام زى ما الراجل يجهل مشاعر المرأه هى كمان تجهل مشاعره .بس ده سببه ان كل واحد منهم دايما يفكر هو عايز ايه وعمره ما يفكر الطرف التانى محتاج منه ايه......
والله اعلم ده مجرد رأى
تحياتى
امانى
لما قلت ذاكرة انفعالية كنت بقصد ان المرأة مبتنساش أى شئ يثير و يحرك مشاعرها بقوة، و يهز كيانها
على عكس الراجل اللى ممكن ينسى و يفكر فى حب تانى
الوفاء اكتر عند المرأة عن الرجل
------------------------
حاجة كان نفسى أسأل عنها: ممكن قلب المرأة يكون فيه حب لاتنين فى نفس الوقت؟
ابو ضحى
اللى بتسال عنه ده مستحيل المرأه لا يمكن يكون فى قلبها غير حب واحد بس وتاكد ان لو دخل قلبها حب تانى يبقى ما كنش فيه اولانى او يكون الاول انتهى . المرأه عندما تحب لا ترى غير حبيبها وترى فيه كل رجال العالم اما الرجل والله اعلم يمكن ان يجمع بين امرأتين فى قلبه كما يمكنه الجمع بينهم فى الزواج اتنين تلاته اربعه قلبه متفصل حسب الشرع يعنى.... ولا ايه
:))))
تحياتى
يا سلام على المواضيع الحساسة
انا متفقة مع أميرة ان الست لما تحب تفتكر كل شىء
ولما تهجر تنسى كل شىء
بجد لما الست تدى ضهرها لعلاقة تنسى كل ما يتعلق بها وكانها لم تكن يوما ما
تنسى الشعور والإحساس بالعلاقة أو بالرجل نفسه
ولو قالت انها بتكره تبقى لسة ما نسيتش .. الكراهية احساس ..انفعال .. طول ما فى انفعال يبقى فى ذاكرة
الست ما يتخافش منها الا لما تقول ان الراجل بقى بالنسبة لها ولا حاجة .. لا حب ولا كراهية .. لا فاكراه ولا ناسياه
مايهمهاش بيعمل ايه .. وليه .. ما يفرقش معاها .. يعنى مات جواها
انما لما تحب مش ممكن تنسى
كل همسة .. كل لمسة .. كل كلمة .. كل لفتة .. رغم عذابات الحب الا ان الحب حلو قوى يا بنتى
بجد
يا سلام على كدة يا سلام
ياسمين
ايه رايك فى المواضيع الكبيره الحساسه دى
تحياتى
ana ma3aky ya yasmin ana lesa kont 2akteb el kalam dah .
el wa7ed maye2darsh yensa 2el 7ob sowa2 kanet kelma lamsa bosa .
ya salam 3ala keda ya slaaam
ياسمين
والله يا ياسمين مش عارفه اقولك ايه انت واميره بس انا فى اعتقادى ان الحب الحقيقى بكل ذكرياته بيبقى زى النحت فى القلب صعب تمحيه بسهوله كده
والاختلاف فى الرأى.........
:) تحياتى يا قمر
dr_lazeez
يعنى الواحد طول ماهو عايش قصه الحب يفضل عنده نشاط فى الذاكره وفاكر كل لمسه وكل كلمه وكل بوسه ولو القصه انتهت فجأه ينسى كل حاجه بسهوله كده
يا سلام على الكلام يا سلام
اخير
اخير يا ناس
حد يضربني الم
دخلت مدونه فيها شويه حب
وكلام علي الحب
انا مش مصدقه نفسي
كنت فاكره اني لوحدي الي بكتب في المواضيع دي والله خلاص كنت هقفل المدونه واعتزل
كل الناس بتتكلم عن التعديلات الزفتيه
والارف الي حاصل في الدنيا
ربنا يخليكي يا شيخه والله
وعلا المرأه بتنسي كل شيئ ومتفتكرش الا الشيئ الي بتكون متوقعاه من الرجل ولحظه السيئ بيكون مش واخد باله
اسلوبك سهل ولطيف وكلامك حلو
هضيفك هضيفك هضييييييييييييييييييييييفك عندي
سعيده موت بدخولي عندك واتمني تزوريني
تحياتي
gohayna
للدرجه دى مش مصدقه ان فى حد بيكتب عن الحب وليه تقفلى وتعتزلى اكتبى اللى انت حساه ولا يهمك انا كمان سعيده بيكى جدا فتحتى نفسى واضح انك سكر وهنبقى اصحاب
:))
تحياتى
خالينا واقعيين ماحدش بينسى حاجه
لا الراجل ولا المرأه
gohayna
زورينا تجدى ما يسرك
GEBSON
النسيان نعمه من نعم ربنا علينا
وساعات كتير بيبقى هو الدواء من الالم
اللى بيسيبه الحب
لازم يكون فى نسيان
تحياتى
GEBSON
دى دعايه عينى عينك لا معلش عايزه تمن الاعلان لو سمحت مافيش حاجه تعدى كده ولا كده
يا سلام على كده
:)
زى ما الست عمرها ما بتنسى الرجل الذى تركها
الرجل ايضا مش مممكن ينسى اول حب فى حياته ممكن يحب بعد كده كتير لكن لايمكن ينسى اول حب لا يمكن ينسى اول قبله سرقها لايمكن ينسى اول واحدة قصت شريط قلبه اول واحدة علمته الحب اول حضن حنين اترمى عليه مختلف تماما عن حضن الام
اول حب فى حياة الراجل بيفضل متملكه دايما
بيفضل مأثر عليه طول عمره
سهر الليالى قلبتى عليا المواجع
على فكرة التعميم غلط برضه
في ستات ممكن يورو الرجالة الويل
والرالة عمرهم ما ينسو
ولا يقدرو يعملولهم حاجة اساسا
اومال نسبة المختلين عقليا زادت ليه
فيه نسبة قليلة اوي من الستات مش بينسو اللي بتعمل فيهم زي ما انتي قلتي في البوست
لكن بيطلعوه على اجوازهم وكل افراد الجنس البشري والله
اهم حاجه الست مش بتنساها اعتقد انه التجاهل والخيانه
واعتقد اكتر حاجه الرجل مش بينساها انه يحس انها نسيته
تحياتي
الله عليكى
ايوة كدة
ردى عننا
دافعى بقلب جامد
و الله كله بيتنسي من وجهه نظري الا القليل
طب لما هى تنسى كل حاجه حلوة ...وتفتكر كل حاجه وحشة...يبقى بتحب ازاى ؟؟؟
او هتحب امتى ...وقلبها او عقلها بيفكر فى السلبى من دلوقتى
ممممممممممممم
نقدر نقول حالات نادرة :D
مصر هى امى
حلوه اول واحده قصت شريط قلبه يوم الافتتاح :).على فكره ده صحيح اول حب لا ينسى ابدا حتى ولو كان حب مراهقه سواء للرجل او الست وتلاقى نفسك بتفتكره على طول .معلش بقى ماقصدش اقلب عليك المواجع ولا حاجه بس فكرتك بحاجات انت اكيد مش نسيها صح صح:)))
تحياتى
واحد من الناس
لكل قاعده شواذ انا معاك ممكن احتمال تقابل ست توريك الويل وماتقدرش تنسى اللى عملته معاك ابدا لكن اكيد كل الستات فى الدنيا مش نسيين اللى الرجاله عملوه فيهم:))))
ذاكره الست اقوى بكتير من ذاكره الراجل صدقنى صدقنى
تحياتى
كلامك مظبوط مليون xالميه انا موافقاك اكتر حاجه تجرح الست هى التجاهل والخيانه فعلا والراجل كبيره عنده اوى لو حس ان فى واحده نسيته وخرجته من حياتها
تحياتى
الورده السوداء
اهلا بيكى شرفتى ونورتى
ارد على ايه ولا ايه دى حرب مش ممكن تنتهى ابدا:)))
تحياتى
الدبور
مش كله اوى يعنى تقدر تنساه والا ماكنش يبقى فيه حاجه اسمها ذاكره الانسان والقليل عند واحد ممكن يكون كتير عند واحد تانى
:)
تحياتى وحشتنا بوستاتك
سفاح كرموز
دى طبيعه بشريه دايما الوحش ما يتنسيش والحلو برضه مايتنسيش احيانا بس اول ما تضايق حد او تجرحه تلاقيه يفتكرك كل حاجه وحشه عملتها معاه مش كده برضه علشان يبقى فيه عتاب وكلام من ده والعتاب هديه الاحباب :)
تحياتى
كلامك منطقي و سليم جدا و لكن للاسف طبع الرجل الشرقي به الكثير من الانانيه حيث أنه لا يفكر الا في متعته الشخصيه و يغفل و ينسي احتياجات الطرف الاخر و يظن أن قيامه ببعض الواجبات يكفيه و يغفل واجبات أخري و لكن أحيانا أيضا ما تكون المراه الشرقيه سلبيه
بوست هايل بجد
تحياتي لكي
انت اللي مش متابعه بوستاتي
يا اماني
انا كتبت بوستين و انت مش هنا
ميشيل
اعترافات فى منتهى الخطوره والصراحه اول رجل يعترف بانانيه الرجال الشرقيين
وانا معاك ان تجاهل بعض او كل الواجبات سبب اى خلاف بين الرجل والمراه ولا انكر سلبيه بعض النساء واعتبر ان السبب فى تلك السلبيات سواء من الرجل او المرأه هو التربيه والعادات والتقاليد الخاطئه التى ننشأ
عليها جميعا
شرفتنى وياريت تكرر الزياره
تحياتى
الدبور
امتى والله لسه داخله عندك وعموما حصل خير هدخل وقوم بالواجب
:)
تحياتى
علي فكره أنا اسمي مايكل
تحياتي لكي و أكيد حزور مدونتك دايما لانها بالفعل جديره جدا بالمتابعه
تحياتي لكي
مايكل
معلش اسفه على الغلط الغير مقصود
واهلا بيك فى اى وقت تنور وتشرف
وميرسى على المجامله الرقيقه
تحياتى
كلامك جميل
الكيميا الاولى بين الراجل والست عمرها ماتتنسى ابدا سواء عند الراجل او عند المرأة
الله بجد
ايه العبقرية دي.. انا بحب الكلام ده قوي.. بتعلم منه بصراحة حاجات كتير
انا كنت عارف ان الست تسامح متنساش
الراجل ينسى ميسامحش
واللي انتي قلتيه ده الجديد
فعلاً المرأة لا تنسى أبداً من تركها.. لكن الآلاف الذين اسقطتهم أسفل قدمها تنساهم وهي تنظر لمن ابتعد عنها
ده بوست جميل قوي بجد
شكراً لضيافة ممتعة منك ليه
سلام
kalam gamel makdarsh akool 7aga 3ano? bas ana "sure" in el setat el fe el she3r btoo3 zaman 3'er el moftareen bto3 delwakty:-(
raspoutine
طبعا مش ممكن ابدا تتنسى امال الواحد يفتكر ايه
:)
تحياتى
ابراهيم محسن
مش عارفه ارد اخجلتم تواضعنا والله :)
حاجه جميله انك تتعلم من اللى تقراه وتسمعه وانت نورت المدونه وياريت تبقى تعدى وانا اضايفك كمان وكمان تشرف يا باشا
:))
تحياتى
breeze
الستات هما هما فى كل زمن وكل وقت حلوين اوى وطيبين قوى مش مفتريين ولاحاجه
دول غلابه والمفتريين معروفين مافيش داعى نتكلم عنهم!!!!!!!!!!!!!
:)
تحياتى
فعلا العلاقه بينا وبينهم غريبه
فى افتقاد شديد للحوار وللتفاهم
تعرفى فعلا لو كل اتنين بيحبوا بعض وعاوزين يرتبطوا قعدوا واتكلموا بمنتهخى الصراحه وعن الى بيضايقها والى بيضيقو
اعتقد الحكايه هتبقى اظرف
المشكله ان كل واحد يتقمص ويزعل ويحس بوجوب معرفة الطرف التانى للى حصل مع ان التانى فى وجهة نظره ان الموضوع ميزعلش
الحوااااااار
اوصيكم ونفسى به
تحياتى لكى
r.r
احلام فى الخيال بس .التفاهم ده بقى حلم صعب اوى ويمكن مايتحققش ابدا دايما فى حاجه غلط بتبعد الاتنين عن الحواروالتفاهم كل واحد شايف رايه صح وماعندوش استعداد لسماع الراى الاخر
اصبحت الاناموجوده فى الحب كمان
تحياتى
فعلا انا لاحظت كده بس عارفه....الراجل بيفتكر الحاجات اللي هي بتنساها..مدونتك جميله :)
ert3ashat
اهلا بيك نورت المدونه انت كمان مدونتك عجبتنى اوى .....بس ليه يا ترى انت ومحمد عبد الغفار رايكم ان الراجل العكس ده معناه كبير اوى يعنى الرجل ينسى الست اللى هجرته وماينساش الست اللى هو هجرها طيب ازاى ؟؟؟؟؟؟
تحياتى
طب تفتكري ليه؟
يعني اقصد كبرياء مثلا؟
و بعدين مين اللي قال ان الراجل مش كده برضه؟
يعني مسالة الكبرياء والانا في العلاقات الانسانية موضوع محتاج تفكير
تحياتي
yamen
مش موضوع كبرياء المقصود ان القسوه وحشه وما تتنسيش بسهوله...والله ماانا اللى قولت ياباشا دى رأى ناس مهمين من كبار المدونين زى محمد عبد الغفار
وانا ماقدرش احكم غير على مشاعر حدتانى
تحياتى
ده شئ طبيعى مع اى حد بينسى الحلو ويفتكر الوحش بينسى الانسان الى احسن اليه ولكن عمره مينسى الى اساء اليه الا من رحم ربى بوست رائع..............سلام
المراه لا تنسي الإساءه من رجل عشقته ..علي ما أعتقد.. و الرجل أيضا.. عندما نحب لا نتوقع الغدر.. وإن كانت المرأه أكثر وفاء
سلاااااااااامات يا أماني
الأرمـوطــي
ده حقيقه لايمكن انكارها وعلى فكره انا مقتنعه ان النفس البشريه واحده سواء رجل او امراه ولكن المجتمع والتربيه والبيئه تلعب دورا فى تغيير المشاعر والاحاسيس وتشكل كل من شخصيه الرجل وشخصيه المرأه
نورت المدونه
تحياتى
reri
سلاااامات ياجميل ايه الاخبار
مافيش انسان ينسى الاساءه بسهوله فعلا وبطبيعه الحال المرأه لا تستطيع حب رجلين معا فبالتالى هى اكثر وفاء من الرجل كما ذكرتى
:)
تحياتى
اعترافات قوية
صادقة
تحياتي
يا رب مايجعلناش منهم .. بس انا لسه بدري عليا .. مش بدري أوي
I say that the big problem for girls walk on the ground really knows much disengagement code and deal with only a few young excellent work
Sampateek
نورتى المدونه يا قمر وشرفتيها
ايه رايك فى الصراحه دى مش الصراحه راحه برضه
:))
تحياتى
shady
هما حاجه وحشه كده ولا انت صغير اوى كده
:)))))
تحياتى
Spider Man
اتفق معاك فعلا
التحرر مشكلة ومفاهيم مختلفة فى المجتمع
تحياتى
سوسة
تحت أمرك يا قمر
رايحة أشوف المدونة حالا
هاي معاكي حق كلامك جميل قوي
و بمناسبة صديقتك ياسمين ياريت تقوليلها اني زعلان منها قوي
لاني كالمتها علي الميل و هي عاملتني وحش قوي
انا اسمي فاروق الجملي صحفي و رؤائي
fa_fre@hotmail.com
ده الميل بتاعي ياريت تسجليني عندك
أنا رأي أن المرأة لا تنسي أبدا أي شئ يتعلق بالحب أو الكره وتنسي غالبا مايقع بينهما.حد فهم حاجة
اولا صباحك سكر
اسمحيلى انا قريت عن الحب كتير وخصوصا اللى يمس احساس المراه
الجميل اوى تشارلز بوب قال عن حب المراه
الحب للمرأة كالرحيق للزهرة
وبرنارد شو قال
الحب يستأذن المرأة في أن يدخل قلبها ، وأما الرجل فإنه يقتحم قلبه دون استئذان ،
وهذه هي مصيبتنا :)
المراه احساس غامض للاعمى ودافى للى يفهم
منى ارق تحيات
حلام ضايعه مرت من هنا
خواطر شاب غاضب
أنا على فكرة أعرف ياسمين كويس من سنين طويلة وهى عمرها ما بتعامل حد وحش
لكن هى زهقت من الناس اللى بتدخل تعاكس على الماسنجر
أنا سالتها عنك وهى قالت انها ما كانتش عارفة انت مين اصلا وهى ما بتحبش تكلم حد غريب على الماسنجر وكل المدونين عارفين كدة
عشان كدة اى مدون بيكلمها بيعرف نفسه الأول وبيحدد الموضوع اللى عاوز يتكلم معاها فيه لأن فى ناس كتير بيكلموها
لكن هى فعلا ما كانتش تقصد تضايقك فى اى حاجة وانت واضح انك مثقف وفاهم قد ايه بتحصل مضايقات على الماسنجر
عموما هى أخدت الميل بتاعك
ولما تعرفها أكتر هتفهم اللى قلتهولك
دى انسانة فى غاية الجمال وعمرها ما بتزعل حد .. صدقنى
تحياتى
سكتم بكتم
رايك أعتز به وان كنت لا أوافقك عليه
اختلاف الراى لا يفسد للود قضية .. صح
نورت المدونة
أحلام ضايعة
الرجال تعبوا فى تحليل عواطف المراة رغم بساطتها
وأنا مبسوطة انك مريت من هنا
يا ريت ما تقطعش الزيارة
تحياتى
هي ليه مش بتفتكر غير الجرح
ليه منفتكرش الحاجات الحلوة اللي كانت ف التجربة
أنا متأكد إن البنات بتعمل كده
بس بجد أنا مش فاكر غير الحاجات الحلوة اللي كانت بنا
تحياتي
The Alien
مين اللى قال انها بتنسى الحاجات الحلوه اللى مرت بيها دى بتبقى ليها زى البوم الصور اللى بيجمع احلى صورها وتحب تقلب فيه وتشوفه بحب كل مره لكن القسوه والهجر كمان صعب الواحد ينساهم
تاكد انهاستكون فاكره كل كبيره وصغيره عن العلاقه اذاكانت احبت حب حقيقى وانها تتمنى استعاده الحب ونسيان اسباب الفراق
:)
تحياتى
أمانى
ايه الكسل ده كله.أنا نفسى أشوف حاجة جديدة بقه
تحياتى
اتصدقى يا سهر وجعتى قلبى
كلامك بجد جميل اوى
ايه الاخبار
مفيش بوست جديد ليه
تحياتى
ابو ضحى
هو كسل فعلا بس الجو الربيعى ده بيخنقنى ماببقاش قادره اتنفس منه
يبقى هقدر اكتب بوست عموما هحاول علشان خاطرك يا جميل
:)
تحياتى
ahmEd_H
سلامه قلبك يا ابو حميد من الوجع دى ذوق منك وكلامك انت اللى جميل
:)
تحياتى
GEBSON
الاخبار الحمدلله مش اوى يعنى.... وبعدين كده بقى مطلب شعبى اممممممممم بس عنيه الاتنين يا باشا
تحياتى
eah dah kolo eah dah kolo :)
mafesh post gedeed leah :)
el nasss mestaneya
ya salam 3ala keda ya saaaaaaaaaalaaaaaaaaam
الحب يعيش على التسامح وليس الذكريات السيئة
متشكر قوي علي ردك بس علي فكرة انا مش متشائم انا بس بكره البلد و غباء شعبها
فعلا ده بالضبط إحساس المرأة وده بالضبط اللي الراجل مش بيفهمه
والمشكلة زي ما إنت ومحمد عبد الغفار قال
إن الاتنين مش بيحاولوا يفهموا بعض
ودي محاولة بسيطة
http://doctorruby80.blogspot.com/2007/04/3.html#links
dr_lazeez
عندى ظروف يا دكتور
وانت عرفتها اعذرنى بقى
تحياتى
بنى أدم مع وقف التنفيذ
الذكريات دى بعد ماانتهيت القصه تبدا الذكريات الحلوه والوحشه كمان تنط قدامك كل شويه وتفكر فيها اما علشات تكره او علشان تحن وترجع
تحياتى
خواطر شاب غاضب
مصر بلدنا ماتتكرهش ولا شعبها غبى انت لازم تعيش فى بلاد تانيه علشان تحب وتقدر قيمه بلدك وقبل كده لازم تحب نفسك ومصريتك البلد مش هى اللى وحشه نظامها هو اللى وحش وده فرق كبير
تحياتى
عصفور طل من الشباك
قرات فى عمود انيس منصور مواقف الجمله دى ( الرجل الغبى هو من يعتقد انه يفهم المرأه )صح مش كده
:)
تحياتى
بوست جميل اوى اوى مع انه فىه تحامل علىنا
بس دى اول مره اجى هنا عشان كدده انا هافوتها المره دى
حسام مراد
شغال
هو انت فين يا حاجه لعل المانع خير
حسام مراد
اهلا بيك نورت المدونه ومعلش بقى عديها المره دى مع ان البوست مافيش فيه اى تحامل على الرجاله
:))))
تحياتى
Mohamed A. Ghaffar
عندى ظروف صعبه ملخبطه الدنيا معايا
عموما شكرا على السوال وساعود قريبا بعد الفاصل انتظرنى
:)
تحياتى
لو كل الناس اتذكرت نفس الحاجات ونسيت أو اهملت نفس الحاجات يبقى أحنا copy w paste وده طبعاً مش منطقي
الحاجة التانية أن الموضوع ليه إرتباط بالنوع يعني الرجل ليه الحاجات التي يتذكرها أكثر من المرأة وفي حاجات أخرى تتذكرها وتلاحظها المرأة ولا يشعر بها الرجل. لكن ما يمنعش أن لكل قاعدة شواذ فممكن تلاقي الرجل المرهف المشاعر والمرأة المسترجلة وفي التنوع ثراء الإنسانية.
المهم في كل التجارب يجب التعلم والإستفادة من الأخطاء واقتناص السعادةوتعلم النسيان فهو نعمة.
أعتقد أن اليوجا بتفيد كثيراً في موضوع السيطرة على العقل والذهن.
وفي النهاية نقول كفاية ألم :)
اعتراف
ها هي اشعاري قد نضجت
لان حبي لك قد صار اكبر
واشواقي في عينيكي سكنت
اغوص في المعاني واتبعثر
الملم نفسي التائهة
وفي محاياكي ارنو وانظر
يا مسافرة عبر الزمن
ياقادمة لقلبي تمحين الشجن
بدات الان بالشوق اشعر
ما للحب خلقتي ياحبيبتي
ليتني اعثر علي اكثر
يا سحر العصور الوسطي
يا امتداد عمر الهوي
في ضوء عينيكي اسهر
ما للعشق خلقتي ياحبيبتي
ليتني اعثر علي اكثر
يا سكن بين البوادي
يا دقة الفؤاد
يا جميلة البشر
sendbad
الله الله الله القصيده حلوه موت وكل كلمه فيها تقول انك شاعر وانسان حساس ورقيق اوى بجد حلوه اتمنى اشوف غيرها كتير
:)
تحياتى
تحفه جدا ايه الكلام الجامد ده
بجد انتى مشكله
anos
شكرا جزيلا يا باشا نورتنى بس انا مش مشكله كبيره اوى:)))))
تحياتى
Post a Comment