تلك احدى قصائد نزار قبانى التى اعشقها كم تعبر عن المرأه فى مجتمعنا وعن القهر الذى تعيشه رغم الكلام الكثير عن حريتها وعن حقوقها ومساوتها بالرجل حقا انها خرافه
رساله الى رجل ما..........يا سيدى العزيز..
هذا خطاب امرأه حمقاء..
هل كتبت اليك قبلى امرأه حمقاء؟
اسمى انا؟
دعنا من الاسماء
رانيه ؛ ام زينب ؛ ام هند ؛ ام هيفاء
اسخف ما نحمله ؛ يا سيدى ؛الاسماء...
يا سيدى!
اخاف ان اقول ما لدى من اشياء
اخاف - لو فعلت - ان تحترق السماء
فشرقكم يا سيدى العزيز
يصادر الرسائل الزرقاء
يصادر الاحلام من خزائن النساء
يمارس الحجر على عواطف النساء
يستعمل السكين .. والساطور..
كى يخاطب النساء...
ويذبح الربيع؛ والاشواق ؛ والضفائر السوداء
وشرقكم يا سيدى العزيز
يصنع تاج الشرف ..الرفيع..من جماجم النساء..
لا تنتقدنى سيدى..
ان كان خطى سيئا..
فانى اكتب .. والسياف خلف بابى
وخارج الحجره صوت الريح و الكلاب
يا سيدى!
عنتره العبسى خلف بابى
يذبحنى ..اذا راى خطابى
يقطع راسى..
لو رأى الشفاف من ثيابى..
يقطع راسى ..لو انا
عبرت عن عذابى
فشرقكم يا سيدى العزيز
يحاصر المرأه بالحراب..
وشرقكم يا سيدى العزيز
يبايع الرجال انبياء
ويطمر النساء فى التراب..
لا تنزعج!
يا سيدى العزيز..من سطورى
لا تنزعج!
اذا كسرت القمقم المسدود من عصور
اذا نزعت خاتم الرصاص عن ضميرى
اذا انا هربت من أقبيه الحريم فى القصور
اذا تمردت على موتى .على قبرى.على جذورى والمسلخ الكبير..
لا تنزعج يا سيدى
اذا انا كشفت عن شعورى
فالرجل الشرقى.. لا يهتم بالشعر ولا الشعور
الرجل الشرقى - واغفر جرأتى
لا يفهم المرأه الا داخل السرير..
معذره يا سيدى
اذا تطاولت على مملكه الرجال
فالأدب الكبير- طبعا - ادب الرجال..
و الحب كان دائما..من حصه الرجال
والجنس كان دائما
مخدرا يباع للرجال
خرافه حريه النساء فى بلادنا
فليس من حريه اخرى سوى حريه الرجال
يا سيدى!
قل كل ما تريده عنى..فلن ابالى
سطحيه .. غبيه .. مجنونه ..بلهاء
فلم اعد ابالى
لان من تكتب عن همومها
فى منطق الرجال ؛ تدعى امرأه حمقاء
الم أقل فى اول الخطاب...
انى امرأه حمقاء....
تمت
من منكم ايها الرجال يعترف بذلك
ومن منكم فى جرأه نزار قبانى
60 comments:
هو يتكلم عن الكائن الموجود غالبيته بيننا هذه الأيام
ولا يتكلم عن الرجال
enty maleeeeeek met3a2ada men el regala keda leah :(
bossssy zay mafe regala we7shen fe setat we7sheeen
bosssy 3ala el mawdo3 3ala eno mafesh 7aga 2esamah ragel we set
fe 2ensaaaaaaaaan
wel 2ensan betabe3to mo`7talef
bas el mohem 2eno yela2y el 2ensan 2ely zayo
2ely yefhamo we ye2adaro
bas `7alaaaaaas
ya salam 3ala keda ya salaaaaaam
محمد عبد الغفار
اى كائن يا محمد البشر اما رجل اما امرأه الكائن التانى ده مين اوجده بينا
تحياتى
د.لذيذ
هو اللى يعرفكوه مايتعقدش من الدنيا بحالها:)
كل الادله بتقول فى راجل وست حتى القران والديانات كلها بتقول فى راجل وست اقعد دور على الست اللى تناسبك وتحبها وهتظلمها برضه ده طبع يا بنى :):)
ماقدرش على على كده
دى كلمه السر
مطلومين مطلومين
مش واخدين حقنا
مافيش مساواة
نفسى اعرف ايه المطلوب؟
الدستور بيقول متساويين
القوانين مش بتفرق
الذمه الماليه منفصله
حق العمل مكفول
الراجل مجبر يصرف على الست مهما كانت اغنى منه
لو الراجل ضرب الست تسجنه حتى لو جوزها
تتجوز تاخد مهر
تتطلق تاخد نفقه
حاضنه للاطفال والراجل يصرف عليهم
ولو هى اللى عايزة تتطلق تتطلق بدون اسباب
واذا كان مالهاش جوز ابوها او اخوها او عمها او اى راجل فى العيلة ملزم يصرف عليها
اما الظلم المتبادل بين البشر فهو طبيعى
بعض الرجال يظلمون النساء وبعض النساء يظلمن الرجال
وما ضاع حق وراءه مطالب
مش فاهم من ايه الشكوى
الشكوى من انها فتنه ومطاردة الذئاب مزعلاها؟
طيب ما الفتنه ميزة مش عيب
حتى مع اثارها الجانبيه
فيه واحده ترضى تتنازل عن فتنتها
الرحمه يا ستات
harmless
كل تصرف للرجل مهما كان يجرح الست فهو مقبول فى مجتمع الذكور اللذى نعيش فيه
اما اى تصرف من الست مايعجبش الراجل يبقى خروج عن التقاليد
المقصود هنا ان كل شى مباح للرجل وغير مباح للمرأه الحب ليكم عادى لينا عيب وايه قله الحياء دى الجنس نفس المنطق لو عندك بنت استنى لما تكبر وشوف ردود افعالك تجاه مشاعرها
وابقى قولى ساعتها
:)
يا بنتى القصيدة دى فى منتهى الروعة وتعبر فعلا عن الحقيقة التى نعيشها فى كل العصور
وشرقكم يا سيدى العزيز
يبايع الرجال انبياء
ويطمر النساء فى التراب
دى حقيقة أدركها نذار ولم يخجل من البوح بها
انا شرحت من قبل ان الدين من صنع الرجال
كل ما فى الأديان يناصر المراة يطمس وكل ما ينصر الرجل يرفعون شعاره ويرسون قواعده
فالرجل الشرقى.. لا يهتم بالشعر ولا الشعور
الرجل الشرقى - واغفر جرأتى
لا يفهم المرأه الا داخل السرير
هى دى الحقيقة شعور المرأة وأحاسيسها تصادر .. تصادر .. تصادر
ورغم أنه لا يفهم المرأة الا فى السرير .. الا أنه لا يفهم أنه يدفعها دفعا لسرير آخر وفراش آخر و عنترة آخر لتعيد الكرة وتعيش القهر مرارا ومرارا
فالأدب الكبير- طبعا - ادب الرجال..
و الحب كان دائما..من حصه الرجال
والجنس كان دائما
مخدرا يباع للرجال
الحب عيب .. حرام
اتجوزتى .. يبقى عيب تتكلمى عن الحب حتى لو حبك لزوجك .. انتى بس تتكلمى عن العيال والطبيخ والغسيل واللى هتلبسيهوله فى السرير
الجنس من حق الرجال .. كل المتع وكأننا قطع من الخشب ويطلبون التفاعل والمشاركة ليس لصالحنا بل لصالحهم
خرافه حريه النساء فى بلادنا
فليس من حريه اخرى سوى حريه الرجال
خرافة تلك التى يحكى عنها هارملس
تعالى نطبق حاجة من حقوق المرأة المعلنة
ما حدش بيف جنبها
خرافة .. خرافة .. خرافة
الجواز .. الطلاق .. الخلع .. النفقة والمهر والمؤخر ما بتاخدهمش اى ست
المهر بياخده ابوها ويجهزها بيه .. والمؤخر بتتنازل عنه عشان تطلع من حياة مش قادرة تكمل فيها
والنفقة بس للولاد وبعد الحضانة تترمى فى الشارع
دادة .. خادمة .. جارية يطلبها وقتما يشاء ويطلب غيرها وقتما يحب
معلش هى دى الحقيقة .. وعلى اعلى المستويات الإجتماعية والطبقات الراقية
تعرفي انتي خامس مدونة ادخلها والقيها بتكتب قصيدة لنزار قباني
بس كل واحد بتعبر عن مودها
لكن انتي الوحيدة فيهم اللي نقلتي قصيدة بتعبر عننا كلنا
مش في حد بجراة نزار
انا تلميذة نزار في كل شئ
فالرجال لا يفهمون النساء الا في اسرير زي ما ياسمين قالت وقبلها كان نزار
اه لو الرجاله يتعلموا يعني ايه معاملة مرأة
هيلاقوا الحياة مختلفة
ya sety zay maho el setat 3awzen mo3amla 7'asa el regala 3awzen bardo mo3amlah 7'asa we mesh shart teb2a fee el serer bas . lazem teb2a fe kol 7aga.we zay el set mabt7eb tesma3 kalam 7elw we teb2a 3arfa en el ragel beyd7ak 3aleha el ragel bey7eb yesma3 el kalam dah we howa 3aref bardo eno betd7ak 3aleh.bas el donia mashia keda.
we ya yasmen el ragel el sharky aktar wa7ed fe el 3alam yefham fe el sho3or we el a7ases we bel zat a7ases el mar2a.makansh nazar tala3 el kalam dah wala 3eref ye2ol a7la el ash3ar.
bas 7'las
ايه كلكوا علي الرجاله و لا ايه
لالالالالالالالالا انا اعترض بس مش قوي يعني
بصراحه انا مافتركش ان نزار كتب قصيدة عن راجل ابدا كل قصايده حريمي
بس مين قال ان الرماة مش واخده حقها دي واخداه و نص بس الاختلاف هنا في نظرة المجتمع عندنا للمراة لكن دينيا لها حقوقها كامله
واعتقد ان الجميع عارف كده
وانا شخصيا مع ياسمين في جزء من كلامها و ان كنت اعترض علي الجزء الاخر
و هارملس كمان بيتكلم كويس
ومن هنا اعلن عن تكوين جميعه الرجاله المفتريه كما اساس النساء جمعيه المرأة المتوحشه
و بالمناسبه انت قلت ليا في البوست بتاع مشكله صديقتك انا منتظرة ردك يا دكتور مين قالك ان انا كده ؟ اوعي تكوني كمان عرفتي بموضوع الكتف القانوني يبقي رحنا في داهيه وحسابي مع اللي قالك
انت جايه اللقاء ان شاء الله ؟ ابقي اقلك الحل هناك
تحياتي
الدبور
let's talk about some facts...no opinions
وشرقكم يا سيدى العزيز
يبايع الرجال انبياء
ويطمر النساء فى التراب
even god is male...thought about it before?
woman's testimony in court is half that of a man's.
in Islam and the monotheistic religions in general , woman has to cover almost all her body while man doesn't have to.
سمراء النيل
القصيده تعبر عن احساس كل امرأه
شرقيه بالقهر الذى نشعر به رغم مزاعم الرجال باننا حصلنا على كل حقوقناولكنها خرافه كما قال نزار
فعلا مافيش حد فى جرأه نزار
متشوقه للقاءك
تحياتى
اوباااااااا
ياستى ماكل واحد يتكلم عن عالمه وخلاص
نزار قبانى شاعر رائع بكل المقاييس
أروع الشعر أكذبه
ايه رأيك بقى ؟
;)
دبور باشا أعترض قوى
انا معاك
في ايه بس ياست ياسمين وانجى؟
ايه اللى مش واخدين حقكم فيه؟
انا عايز حاجه واحده بس على حق ربنا
وبعدين ياست أنجى طيب ماتقولى اللى انتى عايزاه؟
كيف تريدين الرجل ان يعامل المرأه
وماتنسيش انه أصلا اللى بيعلم الراجل مرأه
:)
وياريت ياست أمانى ماتقولى ايه بقى اللى مضايقك قوى كده؟
حددى نقط واضحه
-------------------------------
انا كنت عايز اشن هجوم حاد على الفرعون
-مش عارف ايه حكاية الفراعنه اللى كتروا دول- عموما اذا انتى مش عايزانى أرد عليه هاسكت
سلام
gebson
الكلام الحلو مش هو القضيه
القضيه فى نظره الراجل الشرقى للست
وعدم اعترافه بانها بشر مثله لديها نفس احاسيسه ورغباته ولها الحق فى التعبير عنهاولها الحق فى القبول
والرفض والتمرد اذا لزم الامر
مين بيحب ينضحك عليه مقابل شويه
كلام حلو يا استاذ
:)
حساب الكلمه دى بعدين
الدبور
اه بقى كلكم خليك فى جرأه نزار
على فكره كلمه دكتور عادى فى لسانى بس واضح انها اطظبتت معاك
:)
اقلك ولا تزعليش ومتتهمنيش انى زكورى??
هتيجى بكره ؟؟ ياريت تحاولى
فرعون
اولا احيى جرائتك
بس عايزه اعرف مين اللى قال ان الله رجل
ومين قرر انه ينتمى للذكوره
المقصود بيذبحنى لو رأى الشفاف من ثيابى ان الرجل يعتبر المرأه عوره اى انها كنايه والله اعلم
ربنا يزيد من امثالك اللذين يعترفون بان المرأه مضطهضه
خلى بالك بدا الهجوم عليك من الاخوه المعارضين
:):):)
تحياتى
حسن محمود
ياسمين قالت عن الحقوق اللى فى الاخر بتستولوا عليها غصبا
صحيح الست اللى بتربى الرجل لانها امه
لكن مافيش ام ممكن تزرع فى ولادها حب الذات والاجحاف بحقوق الجنس الاخر وانكار ما وهبه الله من حقوق
اهم نقطه ان لازم تعرف ان الاستخفاف بارائك وبك انت شخصيا شعور قاتل فما بالك بان تعامل طوال حياتك على انك عوره وليس لك صفه فى الحياه الا اسعاد شخص يعاملك بهذا الاستخفاف
ارجو ان اكون اجدت التعبير عن وجهه نظرى
تحياتى
محمد عبد الغفار
يعنى ماقلتش حاجه؟؟؟؟
:)
عموما انا اكيد جايه ان شاء الله
هسمع رايك بكره
تحياتى
ياسمين
قوللهم يا بنتى مين فيهم او حتى مين يعرفوه نصف ست فى حياته
حاجه صعب اوى
:):)
بحبك
برضه ماحددتيش فين الاستخفاف ؟
مش فاهم انتم عندكم عقدة الاضطهاد ولا ايه؟
ياستى انا المديرة بتاعتى أستاذه دكتورة رئيسة قسم
مين بقى اللى قال ان فى حد بيستهين بيها؟
بتمشى مديرين العموم على خط ماليخبطهوش
ده على موضوع الاستخفاف
هاتقولى دى حاجه فرديه
ياستى عموما انا سالت بابا مره على حكاية الست أمينه رزق وسى السيد
قالى القصه دى مش موجوده الا فى التلفزيون بس وفى الروايات
انما على الحقيقه مش موجوده
المهم قالى خلينا نشتغل عملى
كلام اصحابك فى المدرسه وشوف كام واحد بيقول ان مامته أقوى من بابا
ده كان ايام الثانوى
مافيش غير اتنين بس اللى قالوا انهم باباهتهم أقوى من ماماهتهم
كله قال مامته أقوى من بابا
;)
فين بقى الاستخفاف؟
طيب بلاش عندك الصعيد
شوفى كلام الستات هو اللى بيمشى
ماتظلميش الرجاله
نزار مجرد شاعر وللأسف شعر المرأه عنده مش كويس مش زى شعره السياسى اللى فى القلب على طول
على كل حال انا عارف مهما قلت اللى فى دماغك فى دماغك
يلا خير
الاختلاف فى الرأى لايفسد للود قضيه
سلام
amany
enty wade7 3aleky enek met3a2da men el regala mosh 3aref leh.
bas ya sety sawab3ek mesh zay ba3dha.
feh regala bet7eb te3esh door se el sayed we bet3amel el set ka2enha 3abed 3andha we malhash 7ak fe ay 7aga tania we maby7trmsh masha3erha wala a7asesha,we fe regala bet3amel el set 3ala enha ka2en 7ay mestakel bezato we leh 7okok 3aleh we 3ala el mogtama3 kaman,we leha masha3er we a7ases be2der ye7s beha we yemla 3aleha 7aytha we yat3amal ma3 kol el a7ases we el masha3er de.
fe el a7'er matzlmosh el regala aktar men keda we el donia ashal men keda bekter we lazem te3eshy kol la7za 7elwa fe el donia la2en el youm ely bey3ady maberg3ash tany we han3esh el 7aia mara wa7da mosh marten.
we mestany el 7esab.
amanyyyyyyyyyyyyyyyyy
kolo tamaaaam
wel regala zay el foool .
wel seetat deah zay el 3asaal
el mohem en homa maye2darosh ye3esho men `3ear ba3d
ya salam 3ala keda ya salaaaam,
صحيح معلش
نسيت
هو أنتى كاتبه الكلام ده علشان اليوم العالمى للمرأه؟
ولا دى مجرد صدفه؟
aih ya amany elhalawa dih
adilo matstkolosh
regards
الف الف الف شكر
عرفنا لما نحب نطفى حريقه نجيب مين
نفسى اعرف ايه السر فى تحويل كل قضية اجتماعية الى قضية دينية
مثلا عرضتم مشكلة راجل اتجوز على مراته
وكل المناقشات فى الحلال والحرام والعدل والتقييد او الاباحه بدون شروط الخ
مع ان شكوى الزوجه من الضرر مش من الاباحه ولا المنع
وبعدين مشكلة ان المجتمع متحيز ضد المرأه برضو كل المناقشات على الدين
طيب ماله الدين؟
الدين قال النساء شقائق الرجال
وقال لهم مثل ما لكم وعليهم مثل ما عليكم
وفى السيره كان الستات بيدرسوا ويدًرسوا ويشتغلوا ويحاربوا كمان
وخذوا نص دينكم من عائشه
فيه ايه؟
المشكله فى المجتمع ماله الدين؟
المجتمع بيخلى العروسه تجيب عفش
طيب ماالدين رايه غير كده
عايزين تعرفوا الدين قال ايه؟
الراجل يتجوز الست ويديها مهر تحطه فى جيبها وهو المسؤول عن البيت والعفش وكمان خادم
الراجل يصرف على الست من ماله الخاص ولو لها مال مالوش دعوه بيه مهما بلغ
الراجل لو طلق الست بيديها نفقه ومتعه ومؤخر
الراجل مسؤول عن الصرف على الاطفال بالكامل
الست لو مش عاجبها الراجل ترجعله المهر وتتطلق بدون اسباب واى هدايا او مصروفات خلال الحياة الزوجيه ملكها
الراجل لما يقرب لمراته لازم يقدم لنفسه ويلاطفها ويبقى ذوق والا يبقى فى نظر الاسلام بهيمه حسب تعبر الرسول عليه السلام
الرسول وصى بالنساء وقال رفقا بالقوارير كنايه عن رقتهم
الرسول قال خيركم خيركم لاهله
الرسول كان بيساعد زوجاته حتى فى اعمال المنزل
ولو حكيت فى السيره وقصص احترام الستات وتقديرهم واهتمام الدين بيهم مش حنخلص
حتى النص اللى الاجانب بيلوكوا فيه
الستات بترث نص الرجاله عشان مش مسؤوله تصرف على حد ولا على نفسها حتى
الراجل بيطلق بطريقه اسهل لانه حيغرم من الطلاق فبراحته والست بتتطلق بسهوله برضو بس بتخلع عشان الراجل ما يغرمش وهو مش عايز الطلاق
قواعد الاسرة ان الست بتطيع الراجل لاننا طبقا لباقى القواعد برضو مفترضين انه مهروس فى الدنيا اكتر وانه غالبا حيدفع تمن الاخطاء وده طبعا حقيقه كلنا شايفينها فى معظم الحالات والقاعده لازم تبقى على الاغلب مش على الاقل وعلى العموم منطقى ان الطاعه بتكون فى حالة الاختلاف ولو الاختلاف بسيط الحياة حتمشى ولو جذرى ومستمر يبقى مافيش كبت ولا حاجه حيتخلع
المجتمع بقى متنيل ولا بيعوك ولا بيغلط مال الدين بكده؟
الدين قال كلامه ويا الناس تنفذ يا ما تنفذش
طيب المجتمع بيقول للست استحملى لما يتجوز عليكى والدين قال غير كده
وآيه صريحه واضحه عامه شامله
مافيش امساك باضرار
ومافيش امساك لتعتدوا
ايه بقى لازمه الكلام المتطاير اللى يودى فى داهية ومالوش لازمه
الدين صنعه الرجال؟
يا ناس
رجال مين اللى صنعوه؟
****** الدين صنعه الله *******
الله ذكر؟
لا حول ولا قوة الا بالله
امه التوحيد لا تقول هذا
امة التوحيد تقول
***** الله لبس كمثله شئ ******
وغفر الله للجميع
حسن محمود
المديره بتاعتك ماتقدرش تستهون بيها
حسب نظريه البقاء للاقوى
تعالى فكر فى المدام دى اذا كان فيه وشوف معاملتك ليها ولا لو ليك اخت اول ما يطلع للولد شويه شعر تحت مناخيره يحاسب اخته حتى لو هو الاصغر للاسف مجتمعتنا تعامل البنت على انها اقل كيانا من الولد البنت تجيب العار لو عرفت واحد اما الولد لو عمل كده يبقى ربنه يحرصه الواد كبر وبقى راجل
ياختى عليه
حسن محمود
انت متاكد من ان كل معارفك واهالى اصحابك الكلمه لمامتهم
واله دى شى عظيم!!!!!!!!!
ويدل على اننا ظلمناكم احنا ونزار يا عينى
:(:(:(
memo
اى خدمه يا جميل
نورتى
تحياتى
الحمد لله لسه بكامل قوانا العقليه والبدنيه ومش متجوزيين
يعنى مافيش مدام
وفى الموضوع ده انا متبنى وجهة نظر سقراط - قريتها من مدونة قاسم افندى-: اللى بتقول
مسكين الرجل إنه يقف حائر بين أن يتزوج أو أن يبقى عازباَ و هو في الحالتين نادم
--------------------------------
خدتى بالك من مسكين الرجل مش المرأه
جدع ياولد ياسقراط
المهم
بالنسبة للمديرة لا ياستى
مش قانون الغابة اللى انتى بتقولى عليه هو الى بيمشى
فى قانون الكفاءة علشان هى شاطرة وبتشوف شغلها كويس ماحدش عارف يكلمها واترقت وبقت مدير عام بجهدها
---------------------------------
"للاسف مجتمعتنا تعامل البنت على انها اقل كيانا من الولد البنت تجيب العار لو عرفت واحد اما الولد لو عمل كده يبقى ربنه يحرصه الواد كبر وبقى راجل
ياختى عليه"
---------------------------------
مين اللى قال الكلام ده؟
فى البيت عندنا ياستى لا البنت تعرف ولد ولا الولد يعرف بنت
وده اللى المفروض يمشى
مش بيمشى يبقى المشكله مش مشكله ولد وبنت مشكلة تربية اللى برضه الست ليها دور كبير فيها
----------------------------------
مجتمعتنا تعامل البنت انها أقل كيان من الولد
كلا عام عايم
سعادتك تعرفى كام عدد الستات اصحاب الشركات والمناصب؟
عند سعادتك حاله ان فى راجل وست اتقدموا فى منصب وخدوا الراجل وسابوا الست علشان هى أقل كيانا؟
فى القانون المصرى شايفه ان فى معاملة خاصة للراجل؟
مش معاكى ابدا فى موضوع الست مش واخده كيانها وكل مره أقول ليكى هاتى دليل
________________________________
نيجى بقى لموضوع نزار قبانى
نزار قبانى شاعر كبير قوى
وأعذب الشعر أكذبه
ده رايى
ودى تانى مره اكتبها مش عارف كتبتها عند مدونه مين قبل كده وكان برضه بيتكلم عن نزار
وطبعا ظلمتونا كتير قوى
:)
انما يالا معلش
المسامح كريم
;)
--------------------------------
harmless
متفق معاك تماما
والاستاذ فرعون اعتمد على ان الله - استغفر الله العظيم - ذكر من كلمة هو الله
بس مش عارف ان التذكير ده للأسم
طبعا ماحدش يعرف يقول حاجه عن ربنا
والعلماء قالوا كل ماتظن انه ذلك فهو ليس كذلك
لأنه فوق مستوى الادراك
وفعلا:
"
فاطِرُ السَّمَاوَاتِ وَالْأَرْضِ جَعَلَ لَكُم مِّنْ أَنفُسِكُمْ أَزْوَاجًا وَمِنَ الْأَنْعَامِ أَزْوَاجًا يَذْرَؤُكُمْ فِيهِ لَيْسَ كَمِثْلِهِ شَيْءٌ وَهُوَ السَّمِيعُ البَصِيرُ "
صدق الله العظيم
سورة الشورى - الاية 11
سلام
بجد اختيار موفق
انا بحب القصيدة دي جدا
دكتور لذيذ
تمام يا باشا وانت عندك حق الستات زى العسل :)
مايقدروش يعيشوا من غير بعض اصل
القط مايحبش الا خناقه
:):)
ديما نزار قبانى عنده قدره على مخاطبه مشاعر المراءه بجداره
كتير بحس ان صوره الى نزار بيرسمها لينا صوره خياله مش موجوده على ارض الواقع علشان ديما اول مابخلص من اى قصديه ليه بتصدم بالواقع الى حوليه
ديما بحس انا فيه حلقه مفقوده بين وبين الواقع الى انا عيشها لما بقراء لنزار او جويده
احيكى على اختيارك
:)
وعلى فكره البلوج بتاعك حلو ه اوى وراقيه جداااااا
gebsom
انا مش معقده ولا حاجه خالص خالص انا شايفه الدنيا حلوه ونفسى اعيشها صح
صوابعك زى بعضها فعلا كلها تودى نفس الوظيفه ولكن شكلها الخارجى هو اللى مختلف
عايزه اعرف الرجاله الكويسين دول عايشين فى اى مكان واى كوكب علشان نروح لهم
:):)
حسن محمود
دى مجرد شعور عشته اليومين اللى فاتوا
وحاولت اعبر عنه وليس له علاقه بيوم المراه العالمى ومن غير تريقه
:)
حسن محمود
ميمو ماولعتش حريقه وحريقه ليه اصلا احنا متفقين ان الاختلاف فى الرأى لا يفسد للود قضيه
اختلف براحتك وما يهمكش
:)
هارمليس
الدين معامله وما دامت الحياه قائمه فهناك معاملات بين البشر اذن فالدين يدخل فى كل كبيره وصغيره فى تلك الحياه
الدين اعطى المراه حقوق كثيره ولكن السوال هل تنفذ تلك الحقوق من جانب البشر مثلا الاسلام احل للمراه الخلع منذ اكثر من 1400 سنه متى طبق الخلع من 5 سنين ماحدش يقدر يقول حاجه على الدين لانه من صنع الله العادل ولكننا نقصد تنفيذ الدين فى شعوب يحكمها رجال فيختاروا ما يناسب رغباتهم ويضعوه فى قوانين تحكم بها الشعوب
تحياتى
حسن محمود
واضح ان البيت عندك مختلف عن كل البيوت المصريه
لاخلاف ولا اعتراض على شرع الله الاختلاف فى تنفيذه من قبل البشر
توته توته
اى خدمه يا جميل
:)
محض الروح
نزار شاعر ورجل كان قريب من المرأه جدا وقريب من احاسيسها ونادر ان تجدى رجل يفهم ويشعر باحساس الست وهو حاول ان يعبر عنها وعن مشاكلها وقوبل بهجوم شديد على فكره وطبعا انتى عارفه مين اللى هاجمه
:)
شكرا على ذوقك المدونه حلوه بيكم
بشكرك لوجودك معانا النهارده ويا ريت تتكرر بعد كده
ايمن فاروق
على فكره انا قريت المدونه بتاعتك وكنت عايز اعلق على موضوع بتاع حد قابل حب حقيقى .
انا قابلت حب حقيقى وكان فعلا حقيقى
بس انتى عارفة يعنى ايه حب حقيقى ؟
انا هقولك على الحب الحقيقى من وجهة نظرى
اولا مش اى حاجه حقيقيه لازم تبقى جميله ومثالية
يعنى الموت حقيقى بس كلنا بنكرهه صح؟
طيب يبقى لازم نقول موت ولا نقول موت حقيقى؟
ما علينا
نرجع لمرجوعنا
الحب الحقيقى ايه هوا
الحب الحقيقى بالظبط زى الموت الحقيقى
يعنى انتى عارفة يا امانى انا اتعرضت للموت الحقيقى لكن ما موتش
واتعرضت كمان للحب الحقيقى لكن ما حبتش
ومع ذلك فالحب زى الموت بالظبط
مجرد حالة
بس حالة الحياة من غيرها فيها
استحالة
ايمن فاروق
أجمل ماقيل عن المرأه مع أن موضوعك عالم الرجال
--------------------------------
إذا اتجه فكر المرأة نحو الشر , تعجز عن صده بركات السماء
إذا تلبد قلب الرجل بالهموم انزاحت سحب الضباب بظهور المرأة
إذا أحبت المرأة ضحت بنفسها من أجل قلبها , وإذا كرهت ضحت بغيره
المرأة أكثر تضحية من أي شخص على الأرض
إن البشر ثلاثة : شخص يحب المرأة و هو الرجل , و شخص يزهد و هو الراهب , و شخص يكره المرأة و هي المرأة
إذا قسوت على امرأة ملكتها , و إذا توددت إليها خسرتها
إذا كانت المرأة الجميلة جوهرة , فالمرأة الفاضلة كنز
إذا كانت المرأة عيبا طبيعيا فهي و لا شك أجمل عيوب الطبيعة
المرأة تكتم الحب أربعين سنة , و لا تكتم البغض ساعة واحدة
لا تملك المرأة من أمرها ما تجاوز نفسها , فإن المرأة ريحانة و ليست بقهرمانة - الحاكم -
أغبى النساء هي من تصدق أن الحب يمكن أن يتحول إلى صداقة بريئة
أغلق باب السعادة في البيت الذي يرتفع فيه صوت الزوجة على صوت الزوج
أفضل للرجل أن يكون عبدا للشيطان من أن يكون عبدا للمرأة
أكبر لص تحت قبة السماء هو الجمال الكامن في عيني المرأة
امرأة بلا حياء كطعام بلا ملح
امرأة بلا ابتسامة أدعى ما في الوجود للملل
إن كل فلسفة الرجال لا تعادل واحدة من عواطف المرأة
أن يقاوم الرجل قلب المرأة كأنما يكتب عليه شرب البحر
دموع المرأة طوفان يغرق فيه أمهر السباحين
دموع المرأة أقوى نفوذا من القوانين
تعرف المرأة الطيبة مما تفعل , و الرجل الطيب مما لا يفعل
المرأة أقدر على حفظ سرها من حفظ سر غيرها
المرأة أعدى أعداء المرأة
المرأة أعظم مخلوق إذا عرفت قدر نفسها
المرأة كالظل كلما ركضت وراءه هرب منك , و كلما هربت منه لحق بك
المرأة كالبحر مطيعة لمن يقوى عليها , جبارة على من يخشاها
بيت بلا امرأة كجسم بلا روح
--------------------------------
منقول مع اختلافى مع بعض ماقيل
أكتر كلمه بحبها هى اللى جايه دى
Woman was made from the rib of man,
She was not created from his head to top him,
Nor form his feet to be stepped upon,
She was made from his side to be close to him,
From beneath his arm to be protected by him,
Near his heart to be loved by him
لم تخلق المرأة من رأس الرجل لئلا تتعالى عليه , ولا من رجله لئلا يحتقرها , بل استلها من ضلعه لتكون تحت جناحه فيحميها و قريبة إلى قلبه فيحبها
ودمتى بخير
سلام
طلعتي اجمل ما تخيلت
انبسط اني شفتك بجد
اكيد لينا لقاءات تانية
راسبوتين
لا شكر على واجب
:)
اكيد ان شاء الله
راسبوتين
يعنى من الاخراحنا دايما ندور على اللى يتعبنا ومانستغناش عنه
تحياتى
سمراء النيل
اشكرك على كلماتك الرقيقه
وانا اسعد بمعرفتك
تحياتى
حسن محمود
بعض الجمل صحيحه
والبعض الاخر قاله رجال من اللى نزار يقصدهم فى القصيده
واكيد انت بالذات تعرفهم كويس
:)
amany
walahy 3ayeshen we mawgoden 7awaleky bas enty mosh shaifahm we dawary kewayes hatla2ehom we fee nafs el kawkab we hatlaehom .
aiwa wala alo
جيبسون
طيب مادام قلت انهم موجودين
هبص حوليا كويس يمكن الاقى حد منهم
ولو لقيته والله لدعيلك من قلبى
:)
تحياتى
ana shayef eno el regala zalmeen el set fe3lan , w 7'ososan f mogtama3na el kazer da, mo3zam el regala lel asaf mota7'alefiin, bas besara7a kaman mo3zam el setat are so passive, mo3zam el banat elly ba3rafhom , mafish f dema3'hom ella enohom yekono ma7'tobin 3alla a7'er sana gam3a ,, w mafish ay hadaf ye7a2a2ooh f 7ayat-hom 3'eer el gawaz,
momken ye2olo enohom 3awzeen ye7a2a2o nafsohom , bas sa3et el gad , awel ma yeeegy el 3aris el lo2ta ,, kol wa7ed beyban 3alla 7a2e2to :D
yemken de sakafet mogtama3, wel sakafa de heya elly betafred 3aleha el tari2a de fel tafkir ,,
allah ye7ra2 da mogtama3 3alla de sakafa
Thanks
ramyemil.blogspot.com
رامى
عندك حق معظم البنات متخلفين ومسربعين على الجواز ومابيخدوش غظه من اللى سبقوهم
سبهم هتيجى على دماغهم
:)
تحياتى
مش عارفة ليه كل ما نتكلم عن قهر المرأة والممارس كتير في مجتمعاتنا الذكورية.يكون الرد إنت ليه متعقدة من الرجالة أوي كده؟ ويا ترى ايه اللي حصلك في حياتك خلاكي متعقدة كده؟
هو ما ينفعش نحس بمعاناة حد إلا إذا كنا بنعاني منها
على كده كل واحد يتكلم عن الفقراء لازم يكون فقير ولا نقدر نتكلم على أي مشكلة إلا إذا كنا جزء منها
سهر الليالي معقدة من الممارسات الخاطئة في المجتمع اللي هي جزء منه
عصفور طل من الشباك
والله مانا عارفه طلعت معقده ومكلكعه ليه بس على راى نزار برضه وبالعند فيهم كل من تكتب عن همومها تدعى امراه حمقاء مافيش فرق كبير اهى اى شتيمه وخلاص
:)
تحياتى
الزواج مش هو اللي وحش اللي وحش هو سوء التربيه للرجل لان بصراحه معظم اللي موجودين دلوقتي هياكل رجاليه خاويه وده مش زنب الرجاله و لكن دي غلطه الاهالي اللي بتربي
و الله يكون في عون اللي هم لا محصلين رجاله و لا ستات
تحياتي ليكي يااماني علي اختيارك للموضوع و مستنيه المزيد
القصيدة دي أنا بحبها جدا
شكرا على النقل
دوللى
ايه الكلام الكبير يا دوللى هيطالبوا باهدار دمك يا يا بنتى
دينا فهمى
اى خدمه يا جميل
انتى تأمرى
نورتينى
تحياتى
انا بحب القصيده دي جداااااااااااااااااااااا
Post a Comment