14 November 2007

اعمل ايه



بختى قليل واعمل ايه
مش لاقيه حد اتسند عليه
لو كانوا بيبعوه كنت اشتريه
وادفـع فيه مايهمـنيــش
بس المهم اعرف اعيش
حــد يقولى اجيبه منين
حــد يقولى اعمـل ايه




9 comments:

harmless said...

توكلى على الله واعتمدى على نفسك واتسندى على مجهودك وكافحى بمواهبك وافرضى شخصيتك وقوى عزيمتك

ما تخليش اول تفكير يجيلك فى اى مشكله مين يحلهالى لكن خلى اول تفكير ازاى احلها

حاربى شعور انك لازم تكونى معتمده على حد ومسنوده على شخص ومحتاجه لانسان

حاربى شعور انك لا حول لكى ولا قوة او انك فى بحر غريق من غير ما تعرفى تعومى

حاربى الاحساس ان الابواب مغلقه والطرق مسدوده والمصاعب هائله وان كل الحلول خارج امكانياتك

الابواب العملاقه بتتفتح بسهوله لو ادرنا مقابضها والحياة بتنفعل لنا مع كل محاولة بنحاولها ويد الله الحانية تنتظر منا اداء دورنا لتسندنا

دائما الخطوة الاولى صعبه ومحاذيرها كتيره والخوف منها كبير
لكن لما بنعملها بنلاقى فيه طريق ماكناش شايفينه وفيه سكك ماكانتش فى حسابتنا وفيه حلول لم تخطر على بالنا

وبعدها بنقول ماكانش لنا حق ابدا نخاف قوى كده

أبو ضحى said...

نفس الكلام اللى فوق

:))

بقولك ايه..هو انتى مش صاحبة اسر..طيب طمنينا عليها بقه..بقالها كتير غايبة و لا خبر

و سلميلى عليها كتير
:)

Shreif fahmy said...

"لو كان بأيدى كنت أفضل جنبك
وأجيب لعمرى الف عمر وأحبك "

ماليش دعوة ده عبدالحليم اللي بيقول

عمر أفندى و أبووه said...


انا و انتى القدر جمعنا على غير ميعاد فى المكان ده و باللون الاحمر اللى بيعبر عن مكنون حبى و هكذا من الكلام اللى
بيثبتوا بيه البنات...

خلينا مع الصور اللى كشفته و و هو لا يعلم ان هناك كاميرا تراقبه و تراقب تصرفاته

تابع

قصة حب

عمر افندى على موقعه


www.omarafandy.com

نداء said...

فعلا
اعمل ايه
لكن انا حاسس ان في شعور عندكي بالياس بس زيادة شوية

micheal said...

ربنا يوفقك و تلاقي اللي بتدوري عليه\
تحياتي

Anonymous said...

البخت مش عارفين نجيبه منين عادي ممكن احنا الي نعمله عادي خالص كله بادينا بس المهم اننا منبقاش ضعاف

السينيور said...

كل حد فينا محتاج انسان معاه

يحارب معاه الدنيا

يشكيله همه ويفضفضله

يتسند عليه

سواء ذكر او انثى

الانسان كائن اجتماعى

ولازم يعيش في جماعة

حتى لو هو قوى وممكن يقف على رجلة ويقاوم لوحدة

لمن غريزته بتقوله انه لازم يكون جمبك حد

الحد ده ممكن يكون اب او ام او اخ او حبيب او صديق

الحد ده هو الحضن اللي بنحتاج نترمى فيه ونبكي لما الدنيا بتقسي علينا

او الحضن اللي بنترمى فيه ونضحك من السعادة

ساعات بندور عليه

وساعات بنستنى لما ييجي

ساعات بنلاقيه وساعات مش بتلاقيه

ويتكتب علينا نعيش في وحده حتى لو حوالينا الف شخص

ان شاء الله تلاقي الحد ده قريب

ويكون ههو عونك ومرايتك في الدنيا دى

وربنا يوفقك

تحياتى ليكي واسف انى طولت كده لكن الكلام ده كان جوايا وبالصدفة لقيته بيطلع لوحده وانه مناسب انه يتقال هنا

basma saghir said...

انسي وكبري
واستمدي قوتك منك مش من حد تاني...انتي قوي بس لسة مش عارفة