حد فيكم قابل الحب الحقيقى فى حياته؟؟
وايه الدليل على انه حب حقيقى اذا كان لسة ما خلصتش الحكاية؟؟
ويا ترى ايه هى مواصفات الحب الحقيقى؟؟
وإيه هى مواصفات اللى بيحب بجد؟؟
الحكاية بإختصار .. الحب واقع .. أم كذبة كبيرة؟؟
Subscribe to:
Post Comments (Atom)
51 comments:
ما فيش حاجة اسمها حب فى الدنيا
الحب دة مش كدبة كبيرة
هو بصراحة خدعة كبيرة
الحب مجرد أيام حلوة
ذكريات حلوة
وبس
لكن فين راحت النهاردة
اختفت علشان واحد من اللى اتعاهدوا على اللى اسمه الحب .. قرر يزهق
ويدور فى حتة تانية على
ايام حلوة
وذكريات حلوة
من أول وجديد
الحب الحقيقى حقيقه واقعه واكيده طبعاً
انما ملوش كتالوج بحيث نحط له مقاييس ومواصفات عامه للحب والحبيب والمحبوب وما عدا ذلك يبقى فشنك لن الناس نفسها ملهاش كتالوج موحد مختلفين جداً
فالمقاييس والمواصفات بتنبع من الشخص نفسه واحاسيسه الداخلية
يارب اكون واضح
محمد عبد الغفار
شكرا ليك لأنك دخلت على مدونتى وعلقت
وانت كلامك صحيح فعلا فى ان الحب مختلف والناس مختلفين
لكن يا ترى ليه اللى اسمه حب دة بيختفى بعد شوية من ظهوره كانه ما كانش موجود من أصله
ياسمين
حبيبتى وصديقة عمرى
عجبتنى قوى جملة
واحد من اللى اتعاهدوا على الحب قرر يزهق
فعلا ما حدش يقدر يقول دة حصل غصب عنى على اللى بيغدر
هو بيكون قرر انه يزهق .. قرار أخده بمنتهى الإصرار على إيذاء حد حبه وأخلص له
الحب واقع طبعا
بس للى يحسن الاختيار
وللى يلاقى نصه التانى اللى انا مؤمن انه موجود
تحياتى
الحب كذبة كبرى بنصدقها كل شوية !! ، ولا نمل من تكرارها ، يمكن لأننا كل يوم بننام ونصحى، فممكن كل يوم نحب ، ونكره ، ..... أتمنى أن يكون الحب الموجود حقيقيًا !!!!
شكرًا أماني
الحب واقع حقيقى معتمد على ركائز اساسيه من دونها يفقد معناه و روعته و هو لا يتكون فقط من مجرد عاطفه لا تسندها المقومات
الحب حياه كامله و ليست كلام او نظرات
الحب احساس عظيم لا تحده المسميات
تحياتى
واحد بيحب الحب و لكنه لسه معندوش مقومات الحب
حد فاهم حاجه؟
الحب معني كبير..لاكن يختلف من شخص الي اخر ..الحب يموت و يزبل مثل الورود ..ان لم يكن معه ما يبث فيه الحياه في كل لحظه يبث فيه العطاء و الاخلاص و الصدق ..الحب وحده لا يعيش .انه الحبيب الدي تبحث عنه لتعطي بلا انقطاع و لتوفي بلا حدود.لتوهب مشاعر و احاسيس ممزوجه بدمك بكل ما في روحك.......من الاخر حب معني كبير
الحب مخلوق من ابداع الله
ربما يكون اعجب مخلوقاته
معه الف لماذا؟
ومعه الف كيف؟
ولا يوجد اجابه مقنعه
المشكله فقط انه ليس مخلوقا سرمديا ابديا
بل مخلوق كباقى المخلوقات
يمر بمراحل واطوار
ويجرى عليه ما يجرى على المخلوقات
طفوله ومراهقه ونضج وشيخوخه وموت
صحيح ان بعض الحب عمره طويل
ربما اكبر من عمر المحبين
ولكن ايضا الاكثريه من الحب متوسط العمر
وبعضه قصير العمر
ولكن
موت مخلوق لا يعنى انه لم يكن موجودا
الحب مقلب كبير طبعا!!!! كلنا بنوهم نفسنا أنه موجود... اهو حاجة بنشغل بينا وقتنا وخلاص
والله يا بنتى أنتى زى ما تكونى بتقرى افكارى لنى كنت لسه بفكر اكتب بوست عن الموضوع ده بشكل مفصل
:)
ومبروك على المدونة
manal
الحب حقيقى وموجود المهم ان تحافظى عليه ولا تتركيه يتسرب من بين ايديكم كما تتسرب الرمال من بين الايدى فى يوم عاصف
زورديك
انت متفائل جدا وانا مش عاوزة أحبطك
ربنا يوفقك وتحسن الإختيار وتيجى تحكيلى
ابراهيم معايا
انت قصدت اننا بنضحك على روحنا مش كدة
عموما هو أكيد دة الحب فى نظرك
كل يوم يتغير القلب مع كل يوم جديد
زى ما بننام ونصحى
why me
ويا ترى ايه هى مقومات الحب اللى هتسنده دى
يا ريت تقولى عليها عشان افهم
يا قلبى يا غريب
لو الحب زى الزهور يبقى برضه ايه هى اقصى مدة تعيشها الزهرة مهما اعتنيت بيها
اكيد برضه فى الآخر عمرها قصير
يعنى الحب هيموت هيموت
هارملس
ان الحب بيموت .. دة معناه انه برضه ما بقاش موجود
ما بقاش موجود عند واحد والتانى لأ يعنى عند الطرف اللى لسة بيحب
ما بقاش اللى حبيته بيحبنى .. ونسأل نفسنا راح فين الحب .. طواه النسيان ام لم يكن موجودا وكنا نخدع أنفسنا
البيداء
منال
انتى الوحيدة اللى حسيتى باللى كتبته
تفتكرى ليه .. علشان عندك احساس القهر اللى عند كل امرأة
عشان احنا اللى بننخدع ويضحك علينا باسم الحب
عشان احنا اللى بنضحى وندى ونتعذب فى الآخر ولا نحصل إلا على الألم
شكرا يا مناك وما تحرمنيش من زيارتك وتعليقاتك
انتى حاسة بية وفاهمانى
سيف من خشب
قلى ازاى يتسرب الحب من بين اليدين وهو مكانه اساسا القلب
الحب وهم كبير صدقنى
وبكرة الأيام هتعلمك لما تنسى واحدة حبتك وحبيتها و تخذلها وتلاقى لنفسك عذر وتقول هى اللى ضيعت حبنا من ايديها
اعذرنى على قسوتى
طبعا فية حب بس مالوش دعوة بالاختيار ولا بالحسابات المعقدة من الناحية العقلية والمادية والطبقية
الحب الحقيقي حب عذري مش نزوة
الحب الحقيقي حب للحب مش لاي غرض
حتى ولو كان الغرض الزواج
واسمحي لي ان اقتبس بعض كلمات معبرة تعبر عن الحب الحقيقي:
عندما تشعر بإحساس غريب وعميق ودافئ تجاه هذا الشخص
عندما ترى أو تتذكر هذا الشخص يزداد خفقان قلبك عندما تشعر بإضطرابات داخليه وإحساس ممتع غير موصوف
عندما لا تشعر بالوقت ،
عندما تستمتع بأحلام اليقظة
عندما تفكر بذلك الإنسان قبل التفكير بذاتك
عندما تنظر إليه نظرة طاهره بعيده عن أى غرائز دونيه أو نزوات شهوانيه
عندما تشعر أنك أخف وزناً من الهواء وأكثر عمقاً من المحيط وأقوى من الجبال وأنقى من البياض
عندما تشعر أن ذاتك العاطفيه مشبعه تماماً عندما تنظر الى أى جنس وترى أنهم كلهم سواسيه ، سوى من تحب
حينما تبكى عند الفراق ،
وتعيش على أمل لقاء ثانى
حين ترى أو تسمع أوتشم أى شئ جميل ويطرأ إلى ذهنك من تحب
حينما تبكي .. وتبكى .. وتبكى وحيداً وبعيداً، عند فقده وتبقى طول عمرك على ذكراه فلا تستطيع أن تكرهه أو تبعده أو تنساه
حين تعيش حياة الآخرين وأنت سجين عالمك من الحزن والبكاء والشقاء
عندما تتوارى .. وتتوارى حزيناً صغيراً كسيراً
إذا كانت هذه الجمل تنطبق عليك فانت حتماً مصاب بمرض الحب فإعلم أنك قد أحببت بصدق
المقومات هى كل نقطة تكافؤ ممكنه و ده باختصار
بدون التكافؤ لا يوجد حب
يعنى مثلاً انا ضد ان بنت الباشا تتجوز ابن الجناينى
عمر ما على و انجى هيبقوا سعداء مع بعض و ايضاَ عمر مواحد متعلم يكون سعيد مع واحده من البلد جايبها علشان تخدمه و تربى عياله و هكذا
" ليس بالحب وحده يتزوج الاثنان بكل بكل نقطه تكافؤ ممكنه "
تحياتى
و يا رب اكون افدتك
الحصان الأسود
جميل قوى الكلام دة
هو دة فعلا الحب
كلنا حسينا بيه قبل كدة بنفس الطريقة
لكن
هل بيستمر هذا الإحساس أم بيرتبط فقط بالمكان والزمان
يعنى بعد شوية تزهق وتمل وتدور على حد تانى يديك نفس الإحساس الأول للحب اللى انت بتتكلم عنه
اصل الحب دة زى الإدمان .. فى ناس بتدمنه .. ودة بيخليها تحب أعراضه مهما كانت مؤلمة فيدوروا على احساس النشوة الأول طول الوقت ويفضلوا يتنقلوا من حبيب الى حبيب علشان يحسوا بنفس الأعراض كل مرة
هل دة يبقى حب؟؟
why me
فعلا الجواز لازم له تكافوء اجتماعى ومادى كمان
لكن برضه بيروح ويختفى عند اعتياد الحبيب مهما كانت مواصفاته
شفت بنفسى حكايات حب فى منتهى التكافوء وانتهت بالجواز وبعد شوية يمل الراجل .. مهما كانت الست جميلة
مهما كانت من عيلة
مهما كانت اصيلة وشايلاه فى عنيها
مهما كانت بتحبه وبتخاف عليه
مهما كانت انثى بمعنى الكلمة
يزول شعور الرجل بكل مميزاتها
يمكن عشان بقت ملكه
ويدور على حد تانى يمكله
حتى لو بمميزات أقل
تلاقيها تعجب كل الرجالة ما عدا جوزها
ليها عشان اتعود عليها
يبقى التكافؤ لا علاقة له بالحب
اقولك
اساسا ما فيش حاجة اسمها حب
هو بس وهم الحب
و الله الحب موجود داخل اي قلب سوي..حب الله و رسوله..و اولا وحتي لا ننساق الي كلام واوهاااام ..لابد ان نضع في قلوبنا حب الله و رسوله...حب الاهل .حب الاصدقاء ..حب اقرب الناس ..الحب شيء فطري..و لاكن يختلف من شخص الي اخر حسب عقيتده و دينه و خلقه و اخلاقه يوجد من يحب الخير و يوجد من يحب الشر و الحب رغبه في القلب..رغبه في بذل الغالي و النفيس بل في بذل الروح نفسها محبتا فمن تحب ولاكن الدنيا اتغيرت..فليبحث كل منا عن من احبه.. و ليس من احببته..لان ليس كل من احببته احبك و اعلم ان وجدته فقد وجدت الخير كله.
بصي بقى..من وجهة نظري المتواضعة جدا
معتقدش ان الحب كذبة كبيرة..كل الحكاية انه نادر الوجود جدا جدا لدرجة لايمكن تتصوريها..ولو لقينا حد في يوم من الايام لقى الحب الحقيقي بنستغرب جدا وبنفكر في انه اكيد كدبة وان الانسان بينضحك عليه باسم الحب
مش معنى ان الحاجة نادرة تبقى مش موجودة
الخلاصة انه موجود بس نادر جدا جدا حاجة كدة زي الماس الاسود والزئبق الاحمر
حاجة كدة على وشك الانقراض وياتلحقيها يا متلحقيهاش
سلامي ليكي يا اماني
البلوج حلو قوي
يا قلبى يا غريب
أنا طبعا معاك
بس انا هنا بأتكلم عن الحب اللى هو الغرام والعشق والهوى
بيسو
انت الوحيد اللى جبت التايهة يا بيسو بجد
هو فعلا بقى زى الزئبق الأحمر
و شكلى كدة مالحقتهوش
معلش يا زهر
واشكرك جدا جدا
الحب شيء جميل لمن يقدرة ويعترف بيه ولكن ما لم يقدرة يشوة هذا الحب بالكذب والخداع ولكن الحب اكيد موجود في انفسنا
الحب ليس مجرد خداع بل هو حقيقه في الخيال
المحب فهو يعطي ولكن دون استجابه لذلك اريد ان اقول لكي ان الله سوف يرزقنا بهذا الحب ان شاء الله
الحب
كم اتعتبتنا هذة الكلمه بحروفها القليله
ساعات اعتقد انه موجود حواليا بس مش شايفه وهو شايفني كالشبح
و يداعب قلبي من بعيد و لكنه لا يدخله ابدا
انه موجود وغير موجود تشعر به و لاتراة
مش عارف اذا كان موجود و لا مش موجود
ساعات مع نفسي اقول ان الحب ده اسمي احساس وكلام من هذا القبيل
و ساعات تانيه اقول انه وهم من صنعه الانسان و عاش فيه و صدقه و ان لا اساس له
-راي شخصي-
تحياتي
الدبور
www.dabbor.blogspot.com
مش في حد عارف يعني ايه حب حقيقي
لانه موجود جوانا بس
في خيالنا
في القصص والحواديت
الحب مش له مقاييس تتقاس بيها
ولا هو مجرد كلمة بتتقال
الحب اعمق واكبر من انه يتوصف او يتقال
عشان كدة تقدري تعتبريه وهم
احنا بنعيشه
كذبه بنصدقها ونعيش فيها ونرسم تفاصيلها
في عصرنا دة
صدقيني عصر الحب مات
الدمعة
طب ماشى
افتكرى بس اللى قلتهولك وتعالى ادخلى عندى بعد 10 سنين .. دة اذا كنت لسة عايشة
وقوليلى لقيتى الحب واقع أم خيال
وشكرا لزيارتك وتعليقك
على فكرة دخلت مدوناتك وهى جميلة حقا
الدبور
انت هتفضل مش عارف كدة لفترة وبعدين تتأكد ان الحب وهم من صنع الإنسان
لو ما صدقتش فيه هترتاح
أحسن ما تصدق وتتفاجىء بالحقيقة المرة
تحياتى
سمراء النيل
يعنى انتى موافقانى فى رأيى
ان الحب وهم
وأنا معاكى فى كل كلمة قلتيها
كلامك نابع من القلب بجد
تحياتى
السلام عليكم حبى حتى تتحبى
سيف من خشب
حبيت واتهببت ولاقيته كدب فى كدب
شكرا على النصيحه الغاليه
(:
امانى
طبعا فى حاجة اسمها الحب بالنسبة للراجل اول واحدة بيحبها لا يمكن يحب حد غيرها ممكن يتجوز غيرها لكن هيفضل فاكرها طول عمره بالنسبة للبنات انتى ادرى ممكن يحبوا بجد ولا لأ
لو جالك الحب مرة ومتاكدة منه امسكى فيه جامد اوعى تسيبيه
لو عايزة تعرفى اكتر ادخلى على بوست عندى ( هل انا سعيد ) واقريه واقرى التعليقات وانتى تعرفى فى حب ولا لأ
مصرهى أمى
البنات كلهم حب وهوده اللي موديهم فى داهيه انما موضوع حب الراجل الاول ده عايز بحث وتقصى عن حقيقته ويمكن يكون كدب ويمكن يكون حقيقه بس نادره الوجود.ولازم ازور مدونتك طبعاواترك لك تعليقى...شكرا على الزياره.
تحياتى
الحب عطاء
blank socrat
فاقد الشى لا يعطيه
تحياتى
انتى اللى تقولى رأيك ايه؟
فى حب ولا مافيش
شخصيا عن نفسى ماحبتش بس مقتنع ان فى حب حقيقى
أنتى بقى رأيك ايه؟
حسن محمود
انا مافتكرش انه موجود ماعرفتش حد قابله بجد كله بيطلع وهم كبير
ربنا يوفقك وتلاقيه
تحياتى
الحب ساعات يبقي امامك بس انتي مش قادرة تحسي بة لانك لسة مكتئبة وما فيش ثقة في حد عارفة لية علشان انتى عايشة بالشخصية التانية اللى انتى اصلا رفضاهاو نصيحتى اليك ان تحاولى تعيشى بالشخصية الحلوة لاحسن تضيع منك و لن تجديها مرة ثانية و تفضلى فى الاكتئاب دة
bahareto
ايه الشخصيه التانيه اللى انا مابحبهاش دى
انا لم اتفهم معنى كلامك جيدا
تحياتى
ليكي حق تكوني متحيره كده بس المشكله مش في حب حقيقي او لا, لأنه لو اعتبرنا انه موجود ففين هو? للاسف الاغلبيه بعيد عنه تماما خصوصا في مجتمعنا اللي نسي حاجات كتير لكن انا متأكده انه موجود بس بجد ليكي حق في حيرتك
دوللى
ازاى فين هو وازاى انت متاكده انه موجود مش شايفه ان ده تناقض غريب شويه عارفه ده معناه ايه انك مش واثقه انه موجود اصلا
تحياتى
انا واثقه انه موجود ولي اسبابي
وانا بقصد هو فين لانه مش كتير بنشوفه حوالينا في مجتمع غلبيت عليه الماديه و كما ذكرت سابقا ان الاغلبيه بعيده عنه
و لكن
ليس الكل
اذن هو موجود ولكن ليس بكثره
تحياتي:)
كذبة كبيرة
توته توته
جبتى من الاخر عندك حق طبعا
تحياتى
دوللى
لما تشوفيه بعينك قوليلى
تحياتى
حسام
فى الحقيقه الحب مش كلمه أو أحاسيس حلوه أو زكريات 000 الحب أكبر من كده الحب هوه إنك تكون مسئول عن الإنسانه إلى بتحبها وتخاف عليها وتحافظ عليها لغاية لما ربنا يجمعكم فى بيت واحد وهنا يبدأ الحب لأكبر غلى عمره مش هينتهى لكن المشكله إن كل واحد عايز يشعر بأى أحاسيس يضحك بيها على نفسه أو على بنت يقوله بحبك وهو أصلا مش عارف غن الكلمه دى مسئوليه محتاجه منه الكتير
من الغباء انك تعيش زى الملاك بين البشر
مش هنظلم الحب ونقول انه هوة اللى كداب وخاين وخداع
لاكن اللى بيمثل انه بيحب هوة اللى كداب
زى بالظبط اللى بيروح الحفلات التنكريه
كل واحد لابس شخصيه مش شخصيته
"هوة ده الحب "حفله تنكريه
وكل واحد بعد الحفله بيقلع اللبس اللى كان لابسه ويظهر في شخصيته الحقيقيه بعيد عن انظار الناس
لاكن الحب في حد ذاته اسمى معنى بس للى يقدر المعنى
بس انتى رائعه يا امانى وكل التعليقات جميله قوى
وياعالم
يمكن تيكتبى في مرة مدونه ياجماعه الحب اصدق كلمه في الوجود
ربنا يكتبلنا كلنا الحب الحقيقى
أنا كنت بدافع عن الحب لكن دلوقتي الحب بقى مش موجود إلا قليل أوي أوي
حب اليومان دول يعتبر بحث عن الإحساس بالذات من نحيت إن يكون ليك حد يسأل عليك -- واحد إنت تفرق بالنسبة له
على ما أعتقد الحب أكثر من هذا بجد
Post a Comment